Posted: 06/25/2012 04:39 PM IST

      ప్రముఖ దర్శకుడు శ్రీనువైట్ల దర్శకత్వంలో తెరకెక్కనున్న  బాద్ షా  చిత్రం కోసం యంగ్ టైగర్ ఎన్.టి.ఆర్ ఇటలీకి పయనమవుతున్నారు. ఈ చిత్ర మొదటి షెడ్యూల్ ఇటలీలో ప్రారంభం కానుంది. ఇటలీలో 25 రోజులు పాటు చిత్రీకరణ జరపుకోనున్న ఈ షెడ్యూల్లో ఈ చిత్రానికి సంబంధించిన కీలక సన్నివేశాలను చిత్రీకరించనున్నారు. ఈ షెడ్యూల్ తరవాత చిత్ర టీం ఇండియాకి వస్తారు.
      కాగా,  ఈ చిత్ర రెండవ షెడ్యూల్ బ్యాంకాక్ లో చేయనున్నారు, బ్యాంకాక్ లో జరిగే చిత్రీకరణలో కొన్ని యాక్షన్ సన్నివేశాలను తెరకెక్కించనున్నారు. ఈ చిత్రంలో ఇప్పటివరకు ఏ సినిమాలో కనిపించని విధంగా ఎన్.టి.ఆర్ కొత్త లుక్ తో కనిపించనున్నారన్న సమాచారాన్ని మీకింతకుముందే అందించాం.  ప్రముఖ ముంబై స్టైలిస్ట్ దగ్గర ఎన్.టి.ఆర్ కొత్త లుక్ ని డిజైన్ చేయించారు. శ్రీనువైట్ల ఈ చిత్రాన్ని ఎంతో పర్సనల్ గా తీసుకొని  రూపొందిస్తున్నారని రూపావైట్ల గతంలో వెల్లడించిన సంగతి విధితమే. కాజల్ అగర్వాల్ కథానాయికగా నటిస్తున్న ఈ చిత్రానికి ఎస్.ఎస్ తమన్ సంగీతం అందిస్తున్నారు. ఈ భారీ బడ్జెట్ చిత్రాన్ని గబ్బర్ సింగ్ నిర్మాత బండ్ల గణేష్ నిర్మిస్తున్నారు.

...avnk