Posted: 06/21/2012 04:30 PM IST

      సంగీతం ఒక మహాసాగరం అని సంగీత విధ్వాంసులు అంటూఉంటారు. అంతటి సంగీతానికి ప్రత్యేకంగా ఒకరోజంటూ ఉంది అదే ఇవాళ. ఈ సందర్భంలో దీని నేపధ్యాన్ని ఓసారి పరికిస్తే.. 1982 నుంచి వరల్డ్ మ్యూజిక్ దినోత్సవాన్ని ఫ్రాన్స్ లో ఘనంగా జరుపుకోవడం ప్రారంభించారు. సంగీతాన్ని దశ దిశలా వ్యాప్తి చేసేందుకు ఫ్రాన్స్ లో ఫెటె డి ల మ్యూజిక్ డే ను ప్రారంభించారు. మొదట రెండు రోజుల పాటు ఈ సంగీతోత్సవాన్ని నిర్వహించే వారు. ఆ తర్వాత ప్రతి ఏటా జూన్ 21న ప్రపంచ సంగీత దినోత్సవంగా పరిగణిస్తున్నారు. ఈ సందర్భంగా నేడు ప్రపంచ వ్యాప్తంగా సంగీతాభిమానులు సంబరాలు జరుపుకుంటున్నారు. సంగీతానికి మన దేశంలో ఓ ప్రత్యేక స్థానం ఉంది.  మన సంగీతాభిమానులనే కాదు ప్రపంచవ్యాప్తంగా ఉన్న సంగీతాభిమానులను కూడా మన గాయకులు, సంగీత విద్వాంసులు అలరించారు. మన త్యాగయ్య నుంచి నేటి ఆస్కార్ అవార్డు గ్రహీత ఎ.ఆర్.రెహ్మన్ వరకూ ఎంతో మంది తమ గాత్రంతో.. సంగీతంతో ప్రపంచాన్ని శాసించారు. మహా గాయని ఎం.ఎస్. సుబ్బలక్ష్మి, భీంసేన్ జోషి, మంగళంపల్లి బాలమురళీకృష్ణ, ఎల్లా వెంకటేశ్వరరావు.. ఇలా ఎందరో మహానుభావులు తన సంగీతంతో దేశానికి ఎవరెస్ట్ పర్వతమంత కీర్తిని తీసుకువచ్చారు. ఇక పాప్ సంగీతంలో పెను సంచలనం మైఖేల్ జాక్సన్. ఆయన పేరు వింటే పాప్  ప్రపంచం పులకించిపోతుంది.
   మైఖేల్  జాక్సన్  ఏది పాడినా సంచలనమే. ఆయన పాట విని ప్రపంచ సంగీతాభిమానులు ఊగిపోయారు. మడోనా, షకీరా వంటి వారు కూడా పాప్ సంగీతాన్ని ఉర్రూతలూగించారు. సంగీతం వింటున్నప్పుడు ఓ ప్రపంచానికి రెప్ప మూసి ఇంకో ప్రపంచానికి రెక్క విప్పుతాం. దేహం ఇక్కడే ఉన్నా ఆత్మ ఎక్కడెక్కడో ప్రయాణిస్తుంది. అలా చేసే శక్తి ఒక్క సంగీతానికే ఉంది. అందుకే సంగీతంతో వ్యాధులు కూడా నయం చేస్తున్నారు. సంగతాభిమానులకు మరోసారి సంగీతదినోత్సవ శుభాకాంక్షలు చెబుతోందీ ఆంధ్రావిశేష్.కాం

...avnk