Posted: 05/20/2012 04:16 PM IST

      రామ్ చరణ్ వివాహానికి సంబంధించిన పెళ్లి శుభలేఖల పంపిణీ మొదలైంది. ఢిల్లీ లో డిజైన్ చేయించి అక్కడే ముద్రించిన ఈ ఖరీదైన శుభలేఖలు అందర్నీ ఆకట్టుకుంటున్నాయి. చిరంజీవి ఇష్టదైవమైన ఆంజనేయస్వామి చిహ్నాన్ని కార్డు ముందు భాగంపై ముద్రించగా, వెనుక భాగంలో 'కొణిదెల ఫ్యామిలీ'కి చిహ్నంగా డిజైన్ చేయించిన ఓ ప్రత్యేకమైన లోగోను ముద్రించారు.
        KC అనే ఆంగ్ల అక్షరాలతో ఈ లోగోను డిజైన్ చేశారు. చిరంజీవి సన్నిహితులు, అల్లు అరవింద్ ఆఫీసుకు చెందిన సిబ్బంది చిరంజీవిని KC (కొణిదెల చిరంజీవి) అనే సంక్షిప్త నామంతో సంబోధిస్తూ వుంటారు. అందుకే, ఆ పేరుతో ప్రత్యేక లోగోను చేయించుకున్నారు. ఇకపై ఆ కుటుంబానికి చెందిన అన్ని ప్రైవేటు వ్యవహారాలలోనూ ఈ లోగోను ఉపయోగిస్తారని తెలుస్తోంది.
       ఇక, జూన్ 14 ఉదయం 7 గంటల 30 నిముషాలకు చరణ్, ఉపాసనల వివాహం హైదరాబాదు శివారు గండిపేటలోని ఫామ్ హౌస్ లో జరుగుతుంది. ఈ వేడుకకు 5000 మందిని ఆహ్వానిస్తున్నారు. అలాగే, ఆ రాత్రి HICC ప్రాంగణంలో జరిగే విందుకి 10000 మందిని ఆహ్వానిస్తున్నారు.

...avnk