Posted: 05/18/2012 04:18 PM IST

       యంగ్ హీరో నాని ఎడాపెడా వాయించేస్తున్నాడు.  టాలీవుడ్ లో స్టార్ హీరోలు సైతం తమిళంలో సక్సెస్ కావడానికి నానా తంటాలు పడుతుంటే యంగ్ హీరో నాని మాత్రం తమిళ ప్రేక్షకులకూ దగ్గరవుతున్నాడు. నాలుగేళ్ల క్రితం టాలీవుడ్ కు పరిచయం అయిన నాని కొద్దికాలంలోనే కోలీవుడ్ లోనూ తన సత్తా చూపిస్తూనే వున్నాడు. గత ఏడాది తమిళ ప్రేక్షకులకు పరిచయమయ్యాడు నాని. ‘వేపమ్’ టైటిల్ తో తమిళంలో సినిమా చేశాడు. ఆ సినిమా తెలుగులో ‘సెగ’ పేరుతో విడుదలైంది. ఈ సినిమా హిట్ కాలేకపోయినప్పటికీ తమిళ ప్రేక్షకులకు దగ్గరవ్వడంలో మాత్రం సక్సెస్ అయ్యాడు నాని. తాజాగా తమిళం నుంచి నానికి మరో అఫర్ వచ్చింది. సముద్రఖని దర్శకత్వంలో నటించడానికి నాని గ్రీన్ సిగ్నల్ ఇచ్చాడు. తెలుగు, తమిళం భాషల్లో ఒకేసారి తెరకెక్కబోతున్న ఈ సినిమా వచ్చే నెలలోనే సెట్స్ పైకి వెళ్ళబోతోంది.
       ఈ సినిమాలో అందాల భామ అమలాపాల్ తో నాని రొమాన్స్ చేయబోతున్నాడు. ఈ సినిమాలో నాని డబుల్ రోల్స్ చేయబోతున్నట్టు తెలుస్తోంది. ఇప్పటికే తమిళ ప్రేక్షకులకు దగ్గరైన నాని మరి కొద్ది రోజుల్లోనే ఈగ సినిమాతో మరోసారి వారిని పలకరించబోతున్నాడు. రాజమౌళి తెరకెక్కించిన ఈగ తమిళంలో నాన్ పేరుతో తమిళనాట విడుదల కాబోతోంది.  అదీ ప్రజంట్ నాని హవా..

...avnk