Posted: 04/07/2012 08:05 PM IST

పూరీ జగన్నాథ్ మరో సినిమాకి వాయిస్ ఓవర్ ఇవ్వబోతున్నాడు. ప్రముఖ డైరెక్టర్ అయిన పూరీ తన శిష్యుడు హరి కె.  తీసిన  'డిస్కో' సినిమాలో వాయిస్ ఇవ్వబోతున్నారు. ఈ సినిమాతో హరి డైరెక్టర్ గా మారారు. సారా శర్మ హీరోయిన్ గా పరిచయం అవుతున్న ఈ సినిమాకు 'మంత్ర' ఆనంద్  సంగీతం అందించారు. 'డిస్కో' సినిమాను స్టైల్ ఎంటర్ టైన్ మెంట్ పతాకంపై అభినవ్ రెడ్డి నిర్మించారు. సతీశ్ మల్లంపాటి కథ, మాటలు అందించిన ఈ సినిమా షూటింగ్ బ్యాంకాక్, హైదరాబాదుల్లో జరిగింది.

షూటింగ్ పూర్తి చేసుకుని, ఇటీవలే ఆడియో ఆవిష్కరణ కూడా జరుపుకున్న ఈ సినిమాకు పూరి జగన్నాథ్ వాయిస్ ఓవర్ ఇవ్వడం విశేషం. హీరో నిఖిల్ క్యారెక్టరైజేషన్ ను తెలియచేస్తూ పూరి వాయిస్  ఓవర్ ఉంటుందని దర్శకుడు హరి తెలిపారు. ఈ నెల మూడో వారం లో సినిమా విడుదల కాబోతుంది.