Posted: 04/07/2012 08:08 PM IST

మెగా పవర్ స్టార్ పవన్‌కళ్యాణ్ అభిమానులకు ఈనెల 15 తారీఖున పండగే. పవన్ కథానాయకుడుగా రూపొందిన చిత్రం 'గబ్బర్‌సింగ్'. హరీష్ శంకర్ ఎస్ దర్శకత్వంలో బండ్ల గణేష్ నిర్మించిన ఈ చిత్రం పాటలు ఈనెల 15న హైదరాబాద్‌లో ఘనంగా విడుదల కానున్నాయి.

ఈ సందర్భంగా నిర్మాత గణేష్ మాట్లాడుతూ చిత్రంపై భారీ అంచనాలు పెరుగుతున్నాయని, అంచనాలకు తగ్గట్లుగానే సినిమా కూడా అద్భుతంగా వచ్చిందని తెలిపారు. దేవీశ్రీ ప్రసాద్ సంగీతం అందించిన ఈ చిత్రంలోని పాటలు అద్భుతంగా ఉన్నాయని, ఇప్పటికే టీజర్స్ కి విశేష స్పందన వచ్చిందని, చిత్రాన్ని మేలో వేసవి కానుకగా విడుదల చేయడానికి సన్నాహాలు చేస్తున్నామని తెలిపారు.

శృతిహాసన్, మలైకాఅరోరా, అభిమన్యుసింగ్, కోట శ్రీనివాసరావు, సుహాసిని, బ్రహ్మానందం, తనికెళ్ల భరణి, అజయ్, నాగినీడు, రావూరమేష్, గిరి, ఫిష్‌వెంకట్, అలీ తదితరులు నటించిన ఈ చిత్రానికి కెమెరా: జైనన్ వినె్సంట్, సంగీతం: దేవీశ్రీప్రసాద్, ఎడిటింగ్: గౌతంరాజు, నిర్మాత: బండ్ల గణేష్, మాటలు, స్క్రీన్‌ప్లే, దర్శకత్వం: హరీష్ శంకర్ ఎస్.