Posted: 03/05/2012 06:59 PM IST

తెలుగు పాప్ గాయని స్మిత దైవస్మరణలో మునిగిపోయి, తాజాగా శ్రోతలనూ భక్తి పారవశ్యలు చేస్తున్నారు. ఆమె ఆల్బంకు మార్కెట్లో మంచి ఆదరణ లభిస్తోంది. దీనికి స్మిత సంతోషం వ్యక్తం చేస్తున్నారు. భక్తి సంగీతంలో ఓ గుర్తుగా తన ఆల్బమ్ ‘ఇషాన’ నిలుస్తుందని ఆమె అంటున్నారు. సంస్కృతంలో పాటలు పాడటం తనకు కొత్తగా ఉన్నా దీనివెనుక సద్గురు ప్రోత్సాహం, అభిమానుల ఆశీస్సులు ఉండడంతో ఆలపించానని, తన జీవితంలో ఓ మరువలేని ఘట్ట మంటోందీమె.

. ఈ ఆల్బమ్ రూపొందించే సమయంలో అనేక భక్తి అనుభూతులు మాటల్లో చెప్పలేని విధంగా కలిగాయని, ఇషాన అంటే శివస్తోత్రమని, లింగాష్టకం ఈ ఆల్బమ్‌లో కొత్తగా వినిపిస్తుందని ఆమె వివరించారు. సమీర్‌రెడ్డి, తరుణ్ కివాల్ కెమెరా పనితనం అద్భుతంగా ఈ ఆల్బమ్‌లో కనిపిస్తుందని ఆమె అంటున్నారు.

ఆమె రూపొందించిన ఆధ్యాత్మిక ఆల్బమ్ ‘ఇషాన’ ఇటీవలే మార్కెట్లోకి విడుదలైన సంగతి తెలిసిందే. ఆదిత్య మ్యూజిక్స్ ద్వారా రిలీజైన ఈ సీడీని సంగీత దర్శకుడు కీరవాణి ఆవిష్కరించి బ్రహ్మానందానికి అందింజేశారు.

…avnk