Posted: 03/05/2012 07:59 PM IST

మాధవన్, ఆర్య ప్రధాన పాత్రధారులుగా యుటీవీ మోషన్ పిక్చర్స్ పతాకంపై అందిస్తున్న చిత్రం ‘భలేతమ్ముడు’. తమిళంలో లింగుస్వామి దర్శకత్వంలో నిర్మాణమైన వేట్టై చిత్రాన్ని తెలుగులో ‘భలేతమ్ముడు’గా అనువదిస్తున్నారు.

మాధవన్, ఆర్య అన్నదమ్ములుగా నటించిన ఈ చిత్రం తెలుగులో రీమేక్ చేయకుండా, నేటివిటీకి అనుగుణంగానే ఉందంటూ అనువాదం చేస్తున్నారు. యాక్షన్ ప్రధానంగా సాగే ఈ చిత్రంలో లవ్ సెంటిమెంట్ కూడా ఉంటుందని చిత్ర వర్గాలు చెబుతున్నాయి. ఈ నెల మూడో వారంలో పాటలను విడుదల చేస్తారు. సమీరారెడ్డి, అమలాపాల్ కథానాయికలుగా నటిస్తున్నారు. సంగీతం: యువన్‌శంకర్‌రాజా.

అయితే, 'నరసింహుడు', 'జై చిరంజీవ','అశోక్' వంటి భారీ చిత్రాలలో నటించినా, తెలుగులో తనకు సరైన హిట్ రానందుకు బాలీవుడ్ భామ సమీరా రెడ్డి ప్రస్తుతం అసంతృప్తిగానే ఉంది. త్వరలో విడుదల కానున్న 'భలే తమ్ముడు' చిత్రం ద్వారా అయినా ఆ లోటు తీర్చుకోవాలని ఆశ పడుతుంది.

…avnk