Posted: 02/10/2012 05:40 PM IST

  ఈ నెల 26వ తేదీన కర్నూల్ పట్టణం మెగా అభిమానులతో రచ్చ రచ్చ కానుంది. కారణం మెగా పవర్ స్టార్ రామ్ చరణ్ తేజ నటిస్తున్న తాజా చిత్రం 'రచ్చ' సినిమా ఆడియో ఫంక్షన్ కర్నూలులో నిర్వహించటమే. ఈ కార్యక్రమాన్ని భారీ ఎత్తున పబ్లిక్ ఫంక్షన్ గా చేసేందుకు సన్నాహాలు జరుగుతున్నాయి. ఇది రాయలసీమ ప్రాంతంలోని మెగా అభిమానులకు నూతనోత్తేజాన్నిస్తోంది.

రామ్ చరణ్, తమన్నా జంటగా నటిస్తున్న ఈ చిత్రానికి సంపత్ నంది దర్శకత్వం వహిస్తున్న సంగతి తెలిసిందే. ఇప్పటికే ఈ చిత్రం షూటింగ్ దాదాపు పూర్తయింది. చిత్రం విడుదల తేదీని మార్చి 29 గా నిర్ణయించినట్లు తెలుస్తోంది. గత ఏడాది చరణ్ సినిమా ఏదీ రాకపోవడంతో అభిమానులు ఈ సినిమా కోసం ఆతృతగా ఎదురుచూస్తున్నారు. 

ఆర్ బి చౌదరి సమర్పణలో వస్తోన్న ఈ మూవీ యన్ వి ప్రసాద్, పరాజైన్ సంయుక్తంగా నిర్మిస్తున్నారు. మణిశర్మ స్వరాలు సమకూరుస్తున్నారు.

...avnk