Posted: 02/06/2012 07:50 PM IST

తెలుగు చిత్ర సీమలో మరో భారీ సినిమా సెట్స్ పైకి వెళ్లింది. మెగా పవర్ స్టార్ రామ్ చరణ్ తేజ్, వివి వినాయక డైరెక్షన్లో తెరకెక్కనున్న కొత్త చిత్ర షూటింగ్ ఇవాళే ప్రారంభమైంది. ఫిల్మ్ నగర్ వర్గాల సమాచారం ఈ చిత్ర షూటింగ్ ఏకబిగిన జరపాలని నిర్ణయించినట్టు తెలుస్తోంది.

పూర్తి స్థాయి కమర్షియల్ ఎంటర్టైనర్ గా తెరకెక్కబోతోన్న ఈ సినిమాను వినాయక్ చాలా ప్రతిష్టాత్మకంగా తీసుకున్నట్టు వినికిడి. రామ్ చరణ్ సరసన కాజల్ అగర్వాల్ హీరొయిన్ గా నటిస్తోంది. ఈ మూవీలో రామ్ చరణ్ ద్విపాత్రాభినయం చేయనున్నట్లు సమాచారం. యూనివర్శల్ మీడియా బ్యానర్ పై వస్తోన్న ఈ సినిమాకు డివివి దానయ్య నిర్మాత.

కాగా, ఈ చిత్ర మహూర్తపు పూజ నవంబర్ 9న అన్నపూర్ణ స్టూడియోలో జరిగిన సంగతి తెలిసిందే. తొలిసారి రామ్ చరణ్ ను డైరెక్ట్ చేస్తున్న వివి వినాయక్ ఈ చిత్రాన్ని అన్ని హంగులతో తెరకెక్కించబోతున్నారు. తండ్రి కోరిక నెరవేర్చే ఒక కొడుకు పాత్రలో ఈ దఫా చరణ్ కనిపించబోతున్నాడు.

..avnk