Posted: 02/06/2012 06:19 PM IST

నందమూరి బాలయ్య కొత్త చిత్రం ‘కల్కి’ ప్రారంభ కార్యక్రమం కొద్దిసేపటిక్రితం అన్నపూర్ణ స్టుడియోలో జరిగింది. దర్శకరత్న దాసరి నారాయణ రావు క్లాప్ కొట్టి షూటింగ్ ప్రారంభించారు. సందడిగా సాగిన ఈ ప్రారంభవేడుకలో పూజాకార్యక్రమాల అనంతరం, హీరో హీరోయిన్లు కెమేరాకు ఫోజులిచ్చారు.

బాలకృష్ణ కొత్త లుక్ లో కనిపించగా, ఇషా చావ్లా, పార్వతి మెల్టన్ మరింత అందంగా ముస్తాబై వేడుకకు విచ్చేసి హొయలొలికించారు. దర్శకుడు రవి చావాలి. నిర్మాత రమేష్ పుప్పాల తోపాటు చిత్ర యూనిట్ సభ్యులు ఈ కార్యక్రమంలో పాల్గొన్నారు.

కృష్ణంరాజు, తమ్మారెడ్డి భరద్వాజ, బెల్లంకొండ సురేష్, మంచు మనోజ్ కుమార్, వీరభద్రం చౌదరి, ఎస్వీ కృష్ణ రెడ్డి తదితరులు కూడా ఈ కార్యక్రమానికి హాజరయ్యారు.

...avnk