Posted: 02/07/2012 11:58 AM IST

తన నటనతో ప్రేక్షకులను కడుపుబ్బానవ్వించే అల్లరి నటుడు నరేష్ విభిన్న కథాంశంతో మళ్లీ ప్రేక్షకుల ముందుకు రాబోతున్నారు. నిర్మాత అడ్డాల చంటి ఫ్రెండ్లీ మూవీస్ పతాకంపై ప్రొడక్షన్ నెం.9గా ఓ చిత్రాన్ని నిర్మించనున్నారు. అల్లరి నరేష్ కథానాయకుడిగా నటించనున్న ఈ చిత్రానికి ఇ.సత్తిబాబు దర్శకత్వం వహించనున్నారు.

మార్చి 17న షూటింగ్ ప్రారంభం కానున్న ఈ సినిమా గురించి నిర్మాత మాట్లాడుతూ నరేష్ కెరీర్‌లోనే తొలిసారిగా హై బడ్జెట్‌తో రూపొందుతున్న సోషియో ఫాంటసీ చిత్రం ఇదని, పూర్తి స్థాయి వినోదభరితంగా వుండే ఈ చిత్రంలో భారీ సెట్టింగ్స్, ఆరు పాటలే కాక ప్రేక్షకులకు నచ్చే అన్ని అంశాలు ఉంటాయని తెలిపారు.

ఇంకా పేరు నిర్ణయించని ఈ చిత్రంలో సుమన్, నరేష్, కోట శ్రీనివాసరావు, బ్రహ్మానందం, షాయాజీషిండే, ఎమ్మెస్ నారాయణ, ధర్మవరపు, చలపతిరావు, మాస్టర్ భరత్ తదితరులు నటించనున్నారు. సంగీతం: కోటి, కెమెరా: కె.రవీంద్రబాబు, ఎడిటింగ్: గౌతంరాజు, నిర్మాత: చంటి అడ్డాల, స్క్రీన్‌ప్లే, దర్శకత్వం: సత్తిబాబు

...avnk