Posted: 01/31/2012 03:19 PM IST

           ప్రముఖ దర్శకుడు స్వర్గీయ ఈవివి సత్యనారాయణ పెద్ద కుమారుడు ఆర్యన్ రాజేష్ వివాహ తేదీ ఖరారైంది. రాజేష్ – సుభాషిణిల పెళ్లి ఫిబ్రవరి 10న రాజమండ్రిలో వైభవంగా జరగబోతుంది. వివాహం తరువాత ఆర్యన్ రాజేష్ హైదరాబాదులో స్నేహితులకు పలువురు ఇండస్ట్రీ ప్రముఖలకు పార్టీ ఇవ్వనున్నాడు.

         తూర్పు గోదావరి జిల్లాలోని జేగురుపాడుకు చెందిన ప్రముఖ కాంట్రాక్టర్ కంటిపూడి అమర్‌నాథ్ కుమార్తె సుభాషిణితో ఆర్యన్ రాజేష్ వివాహ నిశ్చితార్థం సోమవారం ఆ గ్రామంలో సందడిగా జరిగిన సంగతి తెలిసిందే. సినీ హీరోలు ఉదయ్‌కిరణ్, శివబాలాజీ, వెంకట్, సీనియర్ నటులు ఎల్బీ శ్రీరామ్, ఎంఎస్ నారాయణ, చలపతిరావు, జీవా, ఇతర రాజకీయ ప్రముఖులు ఈ వేడుకలో పాల్గొన్నారు.

           వచ్చేనెల 10న వివాహం జరిపేందుకు ముహూర్తం నిశ్చయించి, ప్రత్యేకంగా చేయించిన వెండిరేకుపై శుభలేఖను అందించారు. ఆర్యన్ తరఫున ఆయన చిన్నాన్న గిరి దంపతులు, సుభాషిణి తరఫున ఆమె తల్లిదండ్రులు తాంబూలాలు అందుకున్నారు.

           ...avnk