Posted: 01/30/2012 03:58 PM IST

హృతిక్ రోషన్, సంజయ్ దత్, ప్రియాంకా చోప్రా ప్రధాన పాత్రలు పోషించిన 'అగ్నిపధ్' చిత్రం కలక్షన్లలో సరికొత్త రికార్డులు సృష్టిస్తోంది. నిన్న రిపబ్లిక్ డే నాడు విడుదలైన ఈ చిత్రం తొలి రోజు బాక్సాఫీసు వసూళ్లు, ఆమధ్య సల్మాన్ నటించిన 'బాడీగార్డ్' చిత్రాన్ని అధిగమించాయి. 'బాడీగార్డ్' తొలి రోజు వసూళ్లు 21.5 కోట్లు కాగా, 'అగ్నిపధ్' వసూళ్లు 23 కోట్లతో రికార్డు క్రియేట్ చేశాయి. అలాగే, ఈ రోజు (శుక్రవారం) 15 నుంచి 18 కోట్ల వరకు ఉంటాయని అంచనా వేస్తున్నారు. శని, ఆదివారాల్లో రోజుకి 20 కోట్ల చొప్పున ఉండచ్చని అంటున్నారు. ఎలా చూసినా ఈ వారం నాలుగు రోజుల్లోనూ 75 కోట్ల పైనే వసూళ్లు ఉంటాయని అంచనా కడుతున్నారు. 'బాడీగార్డ్' తొలి వారం ఐదు రోజుల వసూళ్లు 85. 5 కోట్లుగా రికార్డయ్యాయి. ఆ ప్రకారం చూస్తే, 'అగ్నిపధ్' కేవలం నాలుగు రోజుల్లోనే 'బాడీగార్డ్' వసూళ్లను కొట్టి అవతల పారేస్తుందని బాలీవుడ్ ట్రేడ్ వర్గాలు ఘంటాపథంగా చెబుతున్నాయి.

హృతిక్ రోషన్, సంజయ్ దత్, ప్రియాంకా చోప్రాలు నటించిన ఈ చిత్రం కలెక్షన్ల పరంగా బాగానే ఉన్నా ఈ సినిమా క్రెడిట్ అంతా సంజయ్ దత్ కే వెళుతుందని, హృతిక్ రోషన్,  ప్రియాంకా చోప్రాలకి ఏ మాత్రం దక్కడం లేదని బాలీవుడ్ వర్గాలు అంటున్నాయి. సంజయ్ దత్ డిఫరెంట్ అవతారంలో విలన్ పాత్ర పోషించాడు. ఆ పాత్రకే ప్రేక్షకులు నీరాజనాలు పలుకుతున్నారి, హృతిక్ రోషన్,  ప్రియాంకాల యాక్టింగ్ కి ప్రేక్షకులు ముగ్దులుకావడం లేదని అంటున్నారు. చాల రోజుల తరువాత హిట్ వచ్చిన హృతిక్ రోషన్,  ప్రియాంకాలకి ఆ క్రెడిడ్ దక్కకపోవడంతో తెగ బాధపడుతున్నారని సమాచారం.