Posted: 01/23/2012 02:40 PM IST

సూపర్ స్టార్ కృష్ణ కుటుంభ సభ్యులు ‘ఎస్ ఎమ్ ఎస్’ సినిమా ఆడియో వేడుకలో సందడి చేశారు. కృష్ణ మేనళ్లుడు సుధీర్ ఈ సినిమాలో హీరోగా నటిస్తోండటంతో వారి కుటుంభ సభ్యులు చాలా మంది ఈ వేడుకకు హాజరయ్యారు. ప్రిస్స్ మహేష్ బాబు పాటల తొలి సీడీని ప్రముఖ దర్శకుడు వివి వినాయక్ కు అందించి ఆడియో ఆవిష్కరణ గావించారు. ఈ కార్యక్రమంలో కృష్ణ, విజయ నిర్మల, కృష్ణ సోదరుడు ఆదిశేషగిరిరావు తదితర కుటుంభ సభ్యులు హాజరయ్యారు.

ఈ సందర్భంగా వక్తలు సుధీర్ కు మంచి భవిష్యత్ ఉండాలని ‘ఎస్ ఎమ్ ఎస్’ మూవీ ఘన విజయం సాధించాలని ఆశీర్వదించారు. మహేష్ మాట్లాడుతూ ‘బిజినెస్ మేన్’ సినిమాతో పూరీ జగన్నాథ్ తన పేరును సూర్యాభాయ్ గా మార్చేశారంటూ చలోక్తి విసిరారు. సూపర్ స్టార్ కృష్ణ మాట్లాడుతూ మా కుటుంభం నుంచి మరో కథానాయకుడు రావటం చాలా ఆనందంగా ఉందన్నారు.

ఎస్ ఎమ్ ఎస్ చిత్రంలో సుధీర్ సరసన రెజీనా ఈ చిత్రంలో హీరోయిన్ గా నటిస్తోంది. తాతానేని సత్య దర్శకత్వం వహించారు. సెల్వగణేషన్ సంగీతం.

…avnk