భారతీయ విఫణీలోకి వన్ ప్లస్ 6టి.. లాంచింగ్ ఆపర్లు కూడా..

Posted: 10/31/2018 07:10 PM IST

Oneplus 6t with in display fingerprint scanner and a smaller notch

ప్రముఖ చైనా మోబైల్ ఫోన్ల సంస్థ 'వన్‌ప్లస్‌' సరికొత్త స్మార్ట్‌ఫోన్‌ను భారత్‌లో ఆవిష్కరించింది. ఢిల్లీలో జరిగిన ఓ కార్యక్రమంలో 'వన్‌ప్లస్‌ 6టీ' స్మార్ట్ ఫోన్ ను లాంచ్ చేసింది. గతేడాది మేలో తీసుకొచ్చిన వన్ ప్లస్‌ 6కి కొనసాగింపుగా దీన్ని తీసుకొచ్చింది. లాంచింగ్‌ కార్యక్రమాన్ని వన్ ప్లస్ ఇండియా, యూట్యూట్, అమెజాన్ ఇండియా వెబ్ సైట్లో ప్రత్యక్ష ప్రసారం చేశారు. 6/8 జీబీ ర్యామ్, 128/256 జీబీ స్టోరేజ్ వేరియంట్లలో ఈ కొత్త స్మార్ట్ ఫోన్లు రానున్నాయి. స్క్రీన్ ముందుభాగంలో ఫింగ్ ప్రింట్ సెన్సార్ తో రావడం ఈ ఫోన్ విశేషం.

ధరలు ఇలా..
ఈ ఫోన్ ధరల విషయానికొస్తే.. 6 జీబీ ర్యామ్, 128జీబీ స్టోరేజ్‌ వేరియంట్ ధర సుమారు రూ.37,999; 8 జీబీ ర్యామ్, 128 జీబీ స్టోరేజ్‌ వేరియంట్‌ ధరను రూ. 41,999; 8జీబీ ర్యామ్, 256 జీబీ స్టోరేజ్‌ వేరియంట్ ధరను సుమారు రూ.45,999 గా నిర్ణయించారు. నవంబరు 1 అర్ధరాత్రి నుంచి వినియోగదారులకు ఈ ఫోన్లు అందుబాటులోకి రానున్నాయి. అమెజాన్ వెబ్ సైట్ తోపాటు, వన్ ప్లస్ ఆఫ్ లైన్ స్టోర్లలోనూ ఈ ఫోన్లు లభ్యం కానున్నాయి. వన్ ప్లస్ 6 టీ రాకతో అమెజాన్ వెబ్ సైట్లో 'వన్ ప్లస్ 6' అమ్మకాలను నిలిపివేశారు. నవంబరు 3న ఓపెన్ సేల్ లో ఈ ఫోన్లను విక్రయించనున్నారు.

ఫీచర్లు :

* డిస్‌ప్లే: 6.4 అంగుళాలు
* స్క్రీన్ రిజల్యూషన్: 2340 x 1080 మెగా పిక్సెల్ , గోరిల్లా గ్లాస్ 6.
* ప్రాసెసర్: క్వాల్ కమ్ స్నాప్ డ్రాగన్ 845 ప్రాసెసర్
* ఆపరేటింగ్ సిస్టమ్: ఆండ్రాయిడ్ 9.0 పై ఓఎస్
* ర్యామ్: 6/8 జీబీ
* స్టోరేజ్: 128/256 జీబీ
* కెమెరా: 16 మెగా 16 + 20 మెగాపిక్సెల్
* బ్లూటూత్ 5.0
* వైఫై 802.11
* బ్యాటరీ: 3700 ఎంఏహెఎచ్

లాంచింగ్ ఆఫర్లు:

* రిలయన్స్ డిజిటల్ స్టోర్లలో కొనుగోలుపై రూ.5,400 క్యాష్ బ్యాక్‌, 3 టీబీ 4జీ డేటా లభ్యం
* ఐసీఐసీఐ బ్యాంకు క్రెడిట్/ డెబిట్, సిటి బ్యాంక్ క్రెడిట్ కార్డు ద్వారా కొనుగోలుపై రూ.2000 క్యాష్ బ్యాక్.
* అమెజాన్ పే ద్వారా ప్రీ ఆర్డర్ బుకింగ్ పై రూ.500 సత్వర క్యాష్ బ్యాక్.
* వినియోగదారులకు అందుబాటులో నోకాస్ట్ ఈఎంఐ, ఫ్రీ డ్యామేజ్ ప్రొటెక్షన్ ఆప్షన్లు.