వరుసగా మూడవ రోజు భారీ లాభాల్లో స్టాక్ మార్కెట్లు

Posted: 03/03/2016 08:47 PM IST

దేశీయ స్టాక్ మార్కెట్లు వరుసగా మూడవ రోజు భారీ లాభాలలో పయనించాయి. విదేశీ మార్కెట్ల నుంచి వచ్చిన సానుకూల పవనాలు దేశీయ సూచీల ర్యాలీని కొనసాగించేలా చేసింది. ఫలితంగా దేశీయ సూచీలు గత మూడు రో్జులగా 1605 పాయింట్ల లాభాన్ని నమోదు చేసుకుంది. కేంద్ర ఆర్థికశాఖ మంత్రి అరుణ్ జైట్లీ బడ్జెట్ ను ప్రవేశపెట్టిన మరుసటి రోజు నుంచి మార్కెట్లు భారీ లాభాలను నమోదు చేసుకుంటున్నాయి. కేంద్ర బడ్జెట్ అన్నివర్గాల వారితో పాటు మదుపరులను కూడా మెప్పించిందని చెప్పడానికి ఇదే ఉదాహరణ.

ఆర్బీఐ త్వరలో సమీక్షించనున్న ద్రవ్య పరపతి విధానంలో వడ్డీలను తగ్గిస్తూ అనుకూల సవరణలకు తీసుకుంటాయన్న మదుపరుల అలోచనలు కూడా దేశీయ సూచీలు లాభాల బాటలో నడిపించాయి. దీంతో మదుపరులు కోనుగోళ్లకు అసక్తి కనబర్చడంతో మార్కట్లు లాభాలను స్వీకరించాయి. ఈరోజు బీఎస్ఈ సెన్సెక్స్ 354 పాయింట్ల లాభంతో 24,606 వద్ద ముగిసింది. నిఫ్టీ 106 పాయింట్ల లాభంతో 7,475 వద్ద ముగిసింది. డాలర్ లో రూపాయి మారకపు విలువ రూ.67.38 వద్ద కొనసాగుతోంది.

నేషనల్ స్టాక్ ఎక్స్ఛేంజ్ లో టాటా స్టీల్ సంస్థ షేరు ధర అత్యధికంగా 7.62 శాతం లాభపడి రూ.287.95 వద్ద ముగిసింది. లాభపడ్డ సంస్థల షేర్ల జాబితాలో బీహెచ్ఈఎల్, టాటా మోటార్స్, వేదాంత, లార్సెన్ ఉన్నాయి. కాగా, జీ ఎంటర్ టెయిన్ మెంట్, ఐసీఐసీఐ బ్యాంక్, అల్ట్రాటెక్ సిమెంట్, ఐటీసీ, లుపిన్ సంస్థల షేర్లు నష్టపోయాయి. 2016-17 కేంద్ర బడ్జెట్ ప్రభావంతో స్టాక్ మార్కెట్లు వరుసగా మూడో రోజు లాభాలతో ముగిశాయి.

జి. మనోహర్