తీవ్ర ఒడిదోడుకుల మద్య ముగిసిన స్టాక్ మార్కెట్లు.

Posted: 05/20/2015 06:12 PM IST

Bse sensex rises 191 68 to close at highest level in nearly one month

వారారంభంలో సాధించిన లాభాలకు తోడు ఇవాళ కూడా లాభాలను ఆర్జించిన స్టాక్ మార్కెట్లు నెల క్రితం గరిష్ట స్థాయి చేరాయి. విదేశీ మదుపురులు భారత్ స్టాక్ మార్కెట్ నుంచి పెట్టుబడులను పెద్ద సంఖ్యలో ఉపసంహరించుకోవడంతో.. గత పక్షం రోజులుగా మార్కెట్లు తీవ్ర ఒడిదోడుకులకు లోనవుతునన్నాయి. కాగా ఇవాళ మదుపరులు కొనుగోళ్లకు ఆసక్తిని కనబర్చడంతో.. మార్కెట్లు లాభాలలో పయనించాయి. ఉదయం మార్కెట్ ప్రారంభం నుంచే 150 పాయింట్ల మేర లాభాలను నమోదు చేసుకున్న సెన్సెక్స్ రెండు వందల పాయింట్లకు పైన లాభాలను ఆర్జించింది.

చివరకు కొంత ఒడిదోడుకులకు లోనైన సెన్సెక్స్ 192 పాయింట్ల లాభంతో ముగిసింది. దీంతో నెల క్రితం గరిష్ట స్థాయికి మార్కెట్లు చేరుకున్నాయి. ఈ క్రమంలో మార్కెట్లు ముగిసే సమయానికి సెన్సెక్ 192 పాయింట్లు లాభంతో 27 వేల 837 పాయింట్ల వద్ద ట్రేడింగ్ ముగించగా, అటు నిఫ్టీ 58 పాయింట్ల లాభంతో 8 వేల 423 పాయింట్ల వద్ద స్థిరపడింది. ఇశాల మొత్తం 1362 సంస్థల షేర్లు లాభాల బాటలో పయనించగా, 1336 సంస్థల షేర్లు నష్టాలను చవిచూడగా, 190 సంస్థల షేర్లు తటస్థంగా నిలిచాయి.

అటో, క్యాపిటల్ గూడ్స్, మెటల్స్, పబ్లిక్ సెక్టార్ సంస్థలు, మధ్య తరహా పరిశ్రమల సూచీలు తిరోగమనంలో పయనించడంతో మార్కెట్ల కొంత ఒడిదోడుకులకు లోనైంది. క్రమంగా వస్తున్న లాభాలకు వీటితో కోంత కళ్లాలు పడ్డాయి. కాగా, బ్యాంకింగ్, ఐటీ, హెల్త్ కేర్, సూచీలు లాభాలలో దూసుకుపోవడంతో దేశీయ సూచీలు ఎట్టకేలకు లాభాలతో ముగిసాయి. ఈ క్రమంలో టాటా పవర్, టీసీఎస్, హెచ్.డి.ఎఫ్.సి టెక్, హెచ్.డి.ఎఫ్.సి, విప్రో తదితర సంస్థల షేర్లు లాభాలలో పయనించగా, బజాజ్ అటో, కాయిర్న్ ఇండియా, టాటా స్టీల్, ఐడియా సెల్యూలార్, బిహెచ్ఇఎల్, హిండాల్కో, యాక్సిక్ బ్యాంక్ తదితర సంస్థల షేర్లు అత్యధిక నష్టాలను చవిచూశాయి.

జి మనోహర్