వారారంభంలో లాభాలు.. కొత్త ఏడాదికి శుభసూచకాలు

Posted: 12/29/2014 10:31 PM IST

దేశీయ సూచీలలో అటో సహా లోహానికి సంబంధించిన షేర్లు ర్యాలీని కోనసాగించడంతో స్టాక్ మార్కెట్ సూచీలు వారారంభంలో లాభాలను ఆర్జించాయి. దీనికి తోడు విదేశీ ష్టాక్ మార్కెట్ల నుంచి వచ్చిన సానుకూల పవనాలు సూచీలు 150 పాయింట్లకు పైగా లాభాన్ని ఆర్జించేలా చేశాయి. బీఎస్ఈ సూచీ సెన్సెక్స్ 154 పాయింట్లు లాభపడి 27, 396 వద్ద స్థిరపడింది. ఎన్ఎస్ఈ సూచీ నిఫ్టీ 46 పాయింట్లు ఎగసి 8,246 వద్ద ముగిసింది. మెటల్, ఆటో రంగ షేర్లతో పాటుగా దీర్ఘకాలికి వినియోగకర సంస్థల (కన్జూమర్ డ్యురబుల్ ) ష్లేర్లు ర్యాలీని కొనసాగించడంతో మార్కెట్ ముందుకు దూసుకువెళ్లింది.

దీనికి తోడు కేంద్ర ప్రభుత్వం పలు ఆర్థిక సంస్కరణనలను ప్రవేశపెట్టనుందన్న వార్త కూడా ర్యాలీ కొనసాగింపుకు దోహదపడింది. ఈ వార్తల నేపథ్యంలో 12 సెక్టార్లో 11 సెక్టార్లు లాభాలను కొనసాగించాయి. ఈ క్రమంలో సీసాగోవా, హిండాల్కో, కోల్ ఇ:డియా, టాటా మోటార్, హీరో మోటార్ కార్పోరేషన్ సంస్థల షేర్లు లాభాల భాటలో పయనించగా, భారతీ ఎయిర్ టెల్, ఐసిఐసిఐ బ్యాంకు, మహింద్రా అండ్ మహింద్రా, యాక్సిస్ బ్యాంక్, స్టేట్ బ్యాంక్ అఫ్ ఇండియాలు నష్టాలను చవి చూశాయి.

జి మనోహర్