ఈ చిట్కాలు పాటించండి.. నిత్యం యవ్వనంగా వుండండి!

Posted: 11/05/2015 01:44 PM IST

Remedies to get eternal youth look beauty tips healthy foods for skin

వయస్సు పెరిగేకొద్ది సౌందర్యానికి సంబంధించిన సమస్యలు పెరుగుతుంటాయి. చర్మం ముడతలు పడటం, పొడిబారిపోవడం, మొటిమల మచ్చలు అలాగే వుండిపోవడం, జుట్టు రాలిపోవడం.. ఇలా రకరకాల ఇబ్బందులు ఏర్పడుతాయి. దీంతో.. చర్మసౌందర్యం క్షీణిస్తుంది. అలాకాకుండా ఈ సమస్యల్ని అధిగమించి, నిత్యం యవ్వనంలా కనిపించాలంటే కొన్ని చిట్కాలు పాటిస్తే సరిపోతుందని బ్యూటీషియన్స్ అంటున్నారు.

ముఖం నిత్య యవ్వనంగా ఉండాలంటే.. ఆరోగ్యకరమైన ఆహారం తీసుకోవాల్సిందేనని అంటున్నారు. మోనోశాచురేటెడ్ ఆయిల్, విటమిన్ ఇ, బి కాంప్లెక్స్ విటమిన్లను తీసుకోవాలి. చేపలు తింటే ఇవన్నీ లభిస్తాయి. ఒమెగా 3 ఫ్యాటీ యాసిడ్స్ ముఖ వర్చస్సు ఎంతో మేలు చేస్తాయి. ముఖానికి సక్రమంగా రక్త ప్రసరణ జరగాలంటే ఎక్సర్‌సైజ్ తప్పకుండా చేయాలి. కళ్లు బాగా అలసిపోయినప్పుడు చల్లటి దోసకాయ ముక్కల్ని రెండు మూడు నిమిషాలు మూసుకున్న కనురెప్పల మీద ఉంచండి. కళ్లకు ఉపశమనం లభించడమే కాకుండా, ఇవి కళ్ల కింద నలుపును తగ్గిస్తుంది. వారానికి ఒకసారి లేదా రెండుసార్లు ఇలా చేస్తే కంటి కింద నల్లటి వలయాలను దూరం చేసుకోవచ్చునని ఆరోగ్య నిపుణులు అంటున్నారు.

మరికొన్ని చిట్కాలు :

* కాలుష్యం కారణంగా చర్మం నిగారింపు కోల్పోతుంది. అప్పుడు నిగారింపు తిరిగి పొందాలంటే.. ఈ చిట్కా పాటిస్తే సరిపోతుంది. ఒక గిన్నెలో కమలాఫలం రసం తీసుకుని అందులో చెంచా తేనె, పచ్చిపాలూ, కోడిగుడ్డులోని తెల్లసొన వేసి బాగా కలియబెట్టాలి. ఈ మిశ్రమాన్ని ఒంటికి రాసి పది నిమిషాల పాటు ఆరనివ్వాలి. ఆ తర్వాత సబ్బులేకుండా స్నానం చేస్తే చర్మం తాజాగా ఉంటుంది.

* ఒక గిన్నెలో రెండు టేబుల్ స్పూన్ల గులాబీరేకుల పొడి తీసుకుని అందులో చెంచా బాదం నూనె, చెంచా కమలా ఫలం రసం వేసి బాగా కలుపుకోవాలి. ఈ మిశ్రమాన్ని ముఖానికి రాసుకుని, ఆరేంతవరకు వుంచుకోవాలి. అనంతరం గోరువెచ్చని నీటితో కడిగేసుకోవాలి. ఇలా రెగ్యులర్ గా చేస్తే.. చరమంపై వుండే మృతకణాలు, బ్లాక్ హెడ్స్ వంటివి తొలగించబడతాయి.

* ఒక పాత్రలో కమలాఫలం రసం తీసుకుని అందులో కొద్దిగా ఆలివ్ నూనె వేసి బాగా కలుపుకోవాలి. ఈ మిశ్రమాన్ని చర్మానికి రాసుకుని కాసేపు అలాగే వుంచుకోవాలి. అనంతరం గోరువెచ్చని నీటితో కడిగేసుకోవాలి. ఇలా చేయడం ద్వారా.. పొడిబారిన చర్మం తాజాగా మారుతుంది. సౌందర్యం కూడా మెరుగవుతుంది.