ఆలివ్ నూనెతో అందం మీ సొంతం

Posted: 05/16/2013 01:27 PM IST

ఎండా కాలం లో ముఖానికి నూనె రాసుకొవడమా ? బాబోయి ... మా వల్ల కాదు . అసలే బయట ఎండ వేడి మండిపోతుంటే ఈ కరెంట్ కోతల మధ్య నూనె రాసుకుంటే , చర్మం బాగుపడటం మాట అటుంచి చికాకుతో వేర్రేక్కిపోతుంది ' నూనె రాసుకోవాలి అంటే , ఇలా అంటారు గా మీరు . కాని , కాలం ఏదైనా , ఆలివ్ నూనె రాసుకోవడం వల్ల లాభాలు పుష్కలం ...

చర్మం మరీ పొడిబారినట్టు అనిపించిందనుకోండి , ఎక్కువ అవసరం లేదు , కాస్త ఆలివ్ నూనె పొడిబారిన చర్మం పై మర్దనా చేసుకుని , కాసేపు ఆగిన తరువాత , పిండితో శుభ్రం చేసుకుని , ఆ పై చల్లని నీటితో కడిగేసుకుంటే , ఏదో మంత్రం వేసినట్టు గా ఉపసమనం పొందుతారు .

ఇక చర్మం పై పేరుకుపోయిన మ్రుతకణాలు మనల్ని ఇబ్బంది పెట్టె సమస్య . ఇవి తొలిగిపోవాలి అంటే , ఆలివ్ నూనె లో కాస్త చెక్కర వేసి ఈ మిశ్రమాన్ని మ్రుతకలాన పై మర్దనా చేస్తే సరి .

చర్మం చాల సున్నితమైనది , కాని కొద్ది పాటి మెక్ అప్ వేసుకోవడం తప్పనిసరి అయిపొయింది ఈ రోజుల్లో . మరి మెక్ అప్ వేసుకుని , ఇది తీసేటప్పుడు , సబ్బుతో డైరెక్ట్ గా కడిగేసుకుంటే , చర్మానికి ఎంతో హాని . ఎక్కువ రసాయనాలు లేని ఫేస్ వాష్ తో ముఖం కడుక్కునే ముందు , వేసుకున్న మెక్ అప్ తీసెయ్యడానికి , ఆలివ్ ఆయిల్ ఉత్తమం . ఆలివ్ ఆయిల్ - కాటన్ తో మెక్ అప్ తీసేసి ఆ తరువాత ముఖం కడుక్కుంటే , చర్మానికి ఎటువంటి హానీ వాటిల్లదు .