వేడిమిని తరిమికొట్టండిలా

Posted: 05/16/2013 01:20 PM IST

ఎలాంటి చర్మ తత్త్వం కలవారయినా , ఎండా కాలం లో కష్ట కాలం యెదురుకొక తప్పదు . సూర్యుని ప్రతాపాన్ని తట్టుకోవడం కష్టం కదా , మరి ఇదే ప్రభావం చర్మం పై కూడా పడి , వేడి పొక్కులు భాదిస్తాయి . ఈ బెడద నుండి పరష్కారం ఇలా పొందచ్చు ;

ఈ కాలం లో వీలయినంత ఎక్కువగా మంచి నీళ్ళు తాగటం అలవాటు చేసుకోవాలి . తరచూ స్నానం చెయ్యడం ఉత్తమం . వీలయినంత వరకు , ఎక్కువ రసాయనాలతో చేసే సబ్బుల జోలికి పోకుండా , హెర్బల్ బాత్ పవుడర్లు , సెనగ పిండి వాడటం ఉత్తమం . ఎండ వేడి బాధించి , చర్మం కందిపోయినట్టు గా అయినట్లయితే , చల్లని నీళ్ళల్లో చెంచాడు వంట సోడా వేసి , మెత్తని గుడ్డని ఇందులో ముంచి , ముఖం , మెడ తుడుచుకుంటూ ఉండాలి .

చందనం పొడి , రోజ్ వాటర్ కలిపి , ముఖానికి మెడకి రాసుకున్నా కూడా , మంచి ఫలితం ఉంటుంది . సెనగ పిండి వొంటికి పట్టించి స్నానం చెయ్యడం వల్ల , చాలా సమయం వరకు చెమట పట్టకుండా , చెర్మం ఫ్రెష్ గా ఉంటుంది .

పుచ్చకాయ , కీర దోస వంటివి ఎక్కువగా తీసుకోవడం వల్ల , వొంట్లో అధిక వేడిని నివారించడమే కాదు , సూర్యుని వేడిని తట్టుకునే శక్తి కూడా మనలో పెంపొందుతుంది . తరచూ , ఓట్ మిల్ పొడిని రాసుకోవటం వల్ల , చెమట , దుర్వాసన అదుపులో ఉంటాయి .

నోటికి రుచిగా ఉండి , తక్షణ ఉపసమనాన్ని ఇచ్చి , తరువాత మన ఆరోగ్యాన్ని ఇరకాటం లో పడేసే కూల్ డ్రింకుల కన్నా , తాజా పళ్ళ రసాలు , చెరుకు రసం వంటివి ఎంతో మిన్న .