నరసింహన్ ఊస్ట్.. నజ్మాకు గవర్నర్ పోస్ట్

Posted: 06/26/2015 04:00 PM IST

తెలుగు రాష్ట్రాల వివాదాలు తారా స్థాయికి చేరాయి. అయితే  ఉమ్మడి రాష్ట్రాల గవర్నర్ గా ఉంటున్న నరసింహన్ కు ఢిల్లీ నుండి పిలుపు రావడంతో హడావిడిగా బయలుదేరి వెళ్లారు. అయితే తెలుగు రాష్ట్రాల మధ్య విభేదాలను పరిష్కరించడంలో నరసింహన్ విఫలమయ్యారని కేంద్రం గుర్రుగా ఉన్నట్లు తెలుస్తోంది. అయితే ఏపి సిఎం చంద్రబాబు నాయుడు కూడా గవర్నర్ నరసింహన్ పై కేంద్రానికి గత వారం ఫిర్యాదుచేశారు. అయితే దీనిపై కేంద్రం సీరియస్ గానే ఉన్నట్లు సమాచారం. అయితే యుపిఎ సర్కార్ అధికారంలో ఉన్నప్పుడు గవర్నర్ గా నియమితులైన నరసింహన్ రాష్ట్రం రెండు రాష్ట్రాలుగా విడిపోయిన తర్వాత కూడా ఉమ్మడి రాష్ట్రాల గవర్నర్ గా కొనసాగుతున్నారు. అయితే నరేంద్ర మోదీ ప్రధానిగా పదవీ బాధ్యతలు చేపట్టిన తర్వాత చాలా రాష్ట్రాలకు గవర్నర్ లను మార్చింది ఎన్డీయే. కానీ గవర్నర్ నరసింహన్ ను మాత్రం తొలగించడం కానీ బదిలీ చెయ్యడం కానీ చెయ్యలేదు.

అయితే తాజాగా గవర్నర్ నరసింహన్ కు పదవి గండం ఉంది అని ప్రచారం సాగుతోంది. తెలుగు రాష్ట్రాల మధ్య వివాదాలను పరిష్కరించలేకపోవడం, చాలా కాలంగా గవర్నర్ పోస్ట్ లో కొనసాగుతుండటంతో తాజాగా నరసింహన్ స్థానంలో కేంద్ర మంత్రి నజ్మా హెప్తులా ను నియమించే అవకాశాలు ఉన్నాయంటూ ఓ వార్త షికారు చేస్తోంది. అయితే నరసింహన్ పదవీ కాలం కూడా ముగుస్తుండటంతో నరసింహన్ స్థానంలో నజ్మా హెప్తుల్లా వచ్చే అవకాశాలు మెండుగా ఉన్నట్లు తెలుస్తోంది. అయితే ఈ రోజు జరిగే హోంమంత్రి సమావేశం తర్వాత దీనిపై క్లారిటీ వస్తుందా లేక ఓటుకు నోటు వ్యవహారం సద్దుమణిగిన తర్వాత నజ్మా నియామకంపై క్లారిటీ వస్తుందా అన్నది తెలియదు. ఏది ఏమైనా ఓటుకు నోటు, ట్యాపింగ్ వివాదాలు గవర్నర్ నరసింహన్ కు తలనొప్పిని తెచ్చి పెట్టాయన్నది మాత్రం నిజం.

*అభినవచారి*