పవన్ కి చురక-కెసిఆర్ కు చిరు వార్నింగ్ ?

Posted: 03/20/2014 04:26 PM IST

కేంద్ర మంత్రి చిరంజీవి  తమ్ముడు  పవన్ కళ్యాణ్ కు చురకలాంటించారు. కాంగ్రెస్ పార్టీపై ఎవరు కామెంట్ చేసిన వారు నాకు రాజకీయ శత్రువులే, కానీ తమ్ముడు అభిప్రాయాలను కట్టడి చేయటం  నా వల్ల కాదని  చిరంజీవి అన్నారు.  

నా తమ్ముడిగా  పవన్ కళ్యాణ్ కు నా ఆశీస్సులు ఉంటాయని, కానీ  రాజకీయంగా  నాకు పవన్ శత్రువే అని చిరంజీవి చెప్పటం జరిగింది. అంతేకాకుండా.. పవన్ రాజకీయంగా నన్ను సవాల్ చేస్తే నా వెనుక లక్షల మంది తమ్ముళ అభిమానం ఉందని  చిరంజీవి గుర్తు చేయటం జరిగింది.  

అంతేకాకుండా  పవన్  లాంటి తమ్ముళ్లు  తనకు లక్షలాది మంది ఉన్నారని  అన్నారు.  కాంగ్రెస్ ను విమర్శించే వారంతా  తమకు ప్రత్యర్థులే అని అన్నారు. 

ఇదే సందర్భంలో.. చిరంజీవి  టీఆర్ఎస్ అధినేత  కల్వకుంట్ల చంద్రశేఖరరావు పై తీవ్రస్థాయిలో మండిపడ్డారు.  హైదరాబాద్  ఉమ్మడి రాజధానిగా ఉండగా  సీమాంద్రులను ఎవరు ఏం చేయలేరన్నారు.  అంతేకాకుండా  కేసిఆర్ బెదిరింపులకు భయపడేది లేదన్నారు.  కేసిఆర్ తాటాకు చప్పుళ్ళకు  మేము భయపడేది లేదని  చిరంజీవి స్పష్టం చేశారు.  

ఒక పక్క తెలంగాణ కాంగ్రెస్ నేతలు..పవన్ కళ్యాణ్  మాటల యుద్దం చేస్తున్నా సమయంలో  చిరంజీవి  ఇలా టీఆర్ఎస్ పార్టీ నేత పై  విమర్శలు చేయటం చాలా ఆశ్చర్యంగా ఉందని మెగా అభిమానులు అంటున్నారు.  

ఇప్పటి వరకు .. చిరంజీవి  ఏ రాజకీయ నాయకుడి వ్యక్తిగత విషయాలపై విమర్శలు చేయలేదు. కానీ ఇప్పుడు మెగా అన్నయ్య తమ్ముడు పవన్ కళ్యాణ్ పై  కాంగ్రెస్ నేతలు  ఘోరంగా వ్యక్తిగత విమర్శలు చేయటం పై మెగా అభిమానలు మండిపడుతున్నారు.  

రాజకీయంగా అన్నదమ్ములు  సై అంటున్నా, వ్యక్తిగత విషయాల జోలికి వెళ్లొద్దని  పవన్ కళ్యాణ్  రాజకీయ నాయకులకు ముందే చెప్పిన విషయం తెలిసిందే.  ఇలాంటి  వ్యక్తిగత కామెంట్ల పై ..పవన్ కళ్యాణ్ ఏం సమాధానం చెబుతాడో చూద్దాం.

కాంగ్రెస్ నేతలు చేసే  కామెంట్ల పై చిరంజీవి  కొంచెం గమనిస్తే.. మెగా కుటుంబం పరువు పోకుండా ఉంటుందని మెగా అభిమానులు అంటున్నారు.  చిరు కామెంట్ పై కేసిఆర్ ఏమంటారో చూడాలి. 

ఆర్ఎస్