డ్రంక్ అండ్ డ్రైవ్ కేసులో టాలీవుడ్ హీరోయిన్ అరెస్టు.. ముంబైలో ఘటన..

Posted: 02/19/2022 12:16 PM IST

ఈ మాయ పేరేమిటో చిత్రంతో టాలీవుడ్ వెండితెరకు పరిచయం అయిన ముద్దుగుమ్మ కావ్యా థాపర్. ఇటీవల ఏక్ మినీ కథ చిత్రంలో నటించి సక్సెస్ అందుకుంది. ముంబాయికి చెందిన ఈ అమ్మడు అక్కడ బాలీవుడ్ లోనూ పలు చిత్రాలలో తత్కాల్, మార్కెట్ రాజా ఎంబిబిఎస్ చిత్రాల్లో నటించింది. అయితే ఇప్పటికీ అటు బాలీవుడ్ లోనూ ఇటు టాలీవుడ్ లోనూ పెద్దగా గుర్తింపు రానీ ఈ బామ బోల్డ్ ఫోటోషూట్ లతో మాత్రం తనకంటూ ప్రత్యక గుర్తింపును తెచ్చుకుంది. గతేడాది జూలైలో కరోనా రెండో దశ అప్పుడప్పుడే తగ్గుతున్న క్రమంలో అమె షేర్ చేసిన ఫోటోలు కుర్రకారులో వేడిశగలను రాజేశాయి.

25 ఏళ్ల ఈ నటి.. ఐలవ్ పింక్, థింక్ పింక్, బ్లష్ పింక్ అనే ట్యాగ్ లైన్లతో అమె తన సామాజిక మాద్యమం ఇన్ స్టాగ్రామ్ లో షేర్ చేసిన పోటోలు కుర్రకారు మతలు పోగోట్టింది. ఇక అప్పటి నుంచి అమెకు కాసింత ఫాలోయింగ్ కూడా పెరింగింది. అయితే, తాజాగా అమెను ముంబై పోలీసులు అరెస్టు చేసి న్యాయస్థానం అదేశానుసారం జుడీషియల్ రిమాండ్కు తరలించారు. అంతలా ఏమి నేరం చేసిందనేగా మీ డౌట్.? ముంబైలో మద్యం సేవించి కారు నడిపడంతో పాటు ఓ వ్యక్తిని గాయపర్చింది. అంతటితో ఆగని అమె అక్కడే విధులు నిర్వహిస్తున్న ఓ మహిళా కానిస్టేబుల్ పై నోరుసారేసుకుంది. దీంతో పోలీసులు కావ్యా థాపర్ ను అరెస్ట్ చేశారు.

ముంబైలోని జేడబ్ల్యూ మారియట్ హోటల్ వద్ద ఆమె తన వాహనంతో మరో కారును ఢీకొట్టింది. ఈ ఘటనలో కారు డ్రైవర్ కు గాయాలయ్యాయి. దాంతో కావ్యా థాపర్ సదరు కారు డ్రైవర్ ను దూషించింది. దీనిపై సమాచారం అందుకున్న పోలీసులు అక్కడికి చేరుకోగా, వారిపై కూడా అసభ్య పదజాల ప్రయోగం చేసింది. ఈ నేపథ్యంలో ఆమెను అరెస్ట్ చేసిన పోలీసులు ఇవాళ మెట్రోపాలిటన్ కోర్టులో న్యాయమూర్తి ఎదుట హాజరుపర్చగా, జ్యుడీషియల్ కస్టడీ విధించారు. కావ్యా థాపర్ ఓ ఫ్రెండ్ తో పార్టీ చేసుకుని తిరిగి వస్తుండగా ఈ ఘటన జరిగినట్టు తెలుస్తోంది. మోడలింగ్ నుంచి సినీ రంగంలోకి ప్రవేశించిన కావ్యా థాపర్ ముంబయిలో నివసిస్తోంది.