ITEMVIDEOS: సినీఫక్కీలో చేజింగ్.. నిమిషాల్లో దొంగను పట్టుకున్న పోలీస్

Posted: 01/13/2022 06:54 PM IST

సినిమా హీరోలు పోలీసు అధికారుల పాత్రలో నటిస్తే.. దాదాపుగా అన్ని చిత్రాలు హిట్. ఇక తాజాగా సింగం సినిమా ఏకంగా మూడు సీక్వెల్ వచ్చినా.. అన్నీ హిట్ అయ్యాయంటే అందుకు కారణం వారి నటే. అయితే వారు సినిమాల్లో చేసిన నటనను నిజజీవితంలో చేశాడో రియల్ పోలీసు అధికారు. ఓ దొంగను రీల్ పోలీసు తరహాలో వెంబడించి పట్టుకున్నాడు. అలా ఇలా కాదు.. ఏకంగా పరుగెత్తుకుంటూ.. ట్రాఫిక్ రోడ్డు దాటుతూ.. గేటును దూకుతూ.. రోడ్డుపై వాహనాలను దాటుకుంటూ.. వెళ్లి మరీ దొంగను చేధించి పట్టుకున్నాడు. ఇప్పుడీ ఘటనకు సంబంధించిన వీడియో ఏకంగా సోషల్ మీడియాలో సంచలనంగా మారడంతో సదరు పోలీసు అధికారి కూడా హీరోగా మారాడు.

ఈ ఘటన మంగళూరులో చోటుచేసుకుంది. బుధవారం నెహ్రూ గ్రౌండ్ సమీపంలో మొబైల్ ఫోన్ చోరీకి గురైనట్లు పోలీసులకు సమాచారం అందడంతో ఇదంతా మొదలైంది. ఘటన జరిగిన 10 నిమిషాల్లోనే మంగళూరు పోలీసులు వరుణ్‌ని వెంబడించి అరెస్ట్ చేశారు. పోలీసులు ప్రధాన రహదారి, ఇరుకైన దారులు, వీధుల గుండా దొంగను వెంబడించి చివరకు నిందితుడిని పట్టుకున్నారు. పోలీసు దొంగను పట్టుకుని నేలపై కుదేశాడు. వెంటనే అతని సహచరులు కూడా అక్కడికి చేరుకున్నారు. నిందితుడి నుంచి మొబైల్ స్వాధీనం చేసుకున్నారు. ఈ ఘటనను చూసిన మంగళూరువాసులు ఇది సినిమా షూటింగా.? లేక నిజంగా చేజింగా.? అన్నది అర్థంకాక షాక్ లో ఉండిపోయారు.

మంగుళూరు నెహ్రూ గ్రౌండ్ చుట్టుపక్కల ప్రాంతంలో గస్తీ తిరుగుతున్న ఒక పోలీసు అధికారి, అసిస్టెంట్ రిజర్వ్ సబ్-ఇన్‌స్పెక్టర్ (ARSI) వరుణ్ అల్వా స్థానికంగా పెట్రోలింగ్ చేస్తున్నారు. ఇంతలో ఎదో ఘటనను చూసిన ఆయన ఆకస్మికంగా తన కారు నుంచి దిగి దిగగానే పరుగులు తీశాడు. ఏంటీ ఇలా పరుడుపెడుతున్నాడని అక్కవున్నవారితో పాటు అతని సహచరులు కూడా అనుకున్నారు. సదరు పోలీసు అధికారి భవనాలు మధ్యనున్న ఇరుకైన సందుల మీదుగా.. ట్రాపిక్ వెళ్తున్న రోడ్డును దాటి, రద్దీ వీధుల మధ్యనుంచి, నీలిరంగు చొక్కా ధరించిన వ్యక్తిని పట్టుకోవడానికి పరుగులు తీశాడు. ఇంతకీ ఇరుకైన వీధులు, ట్రాఫిక్ రోడ్డును దాటి ఆ నీలిరంగు వ్యక్తిని ఎందుకు చేధించాల్సి వచ్చిందో తెలుసా.?

వివరాల్లోకి వెళ్తే.. బీహార్ నుంచి మంగళూరుకు వలస వచ్చిన స్థానిక గ్రనైట్ కంపెనీలో పనిచేస్తున్న వలస కార్మికుడి నుంచి ఫోన్ ను తస్కరించిన ముగ్గురు సభ్యుల ముఠాలో.. నీలిరంగు చొక్క ధరించిన వ్యక్తి కూడా ఓ సభ్యుడు. అయితే వారు తన ఫోన్ తస్కరించగానే గుర్తించిన వలసకార్మికుడు దొంగను పట్టుకునే ప్రయత్నం చేయగానే వారు వేగంగా పరుగెత్తి తప్పించుకున్నారు. ఈ ఘటనను విదులు నిర్వహిస్తున్న ఎస్ఐ వరుణ్ అల్వా చూశాడు. వెంటనే దొంగను చేధించి పట్టుకున్నాడు. దొంగను 32 ఏళ్ల హరీష్ పూజారిగా గుర్తించారు, నెహ్రూ గ్రౌండ్స్‌లో నిద్రిస్తున్న వలస కార్మికుడి నుంచి ఫోన్ దొంగలించి పారిపోతుండగా, ఎస్ఐ చేధించి పట్టుకున్నాడు.  

ఈ కేసులో మరో నిందితుడు అత్తావర్‌కు చెందిన 20 ఏళ్ల శమంత్‌ను కూడా అదుపులోకి తీసుకున్నట్లు పోలీసు ఓ ప్రకటనలో పేర్కొంది. అయితే మరో నిందితుడు రాజేశ్ తప్పించుకున్నాడని.. అతని కోసం గాలిస్తున్నామని పోలీసులు తెలిపారు. కాగా, నిందితుల నుంచి దొంగిలించబడిన శాంసంగ్ మొబైల్ ఫోన్ స్వాధీనం చేసుకున్నామని తెలిపారు. తమ విచారణలో, ముగ్గురు సభ్యుల ముఠాగా ఏర్పడి దొంగతనాలకు పాల్పడతున్నట్లు తేలిందని తెలిపారు. ఈ మేరకు పాండేశ్వర్ పోలీస్ స్టేషన్‌లో కేసు నమోదు చేసి దర్యాప్తు చేస్తున్నారు. ఇదిలావుండగా విధుల నిర్వహణలో అలర్ట్ గా వున్న వరుణ్ అల్వాను మంగళూరు పోలీసు కమీషనర్ అభినందించి పదివేల రూపాయల క్యాష్ రివార్డును అందించారు.

Robbery offender cought within 10 mins of offence by chasing him though the city. Hats off to varun Mangalore city police.

ಮಂಗಳೂರಿನಲ್ಲಿ ಘಟನೆ ನಡೆದ 10 ನಿಮಿಷದಲ್ಲಿ ರಾಬರಿ ಪ್ರಕರಣದ ಆರೋಪಿಯನ್ನು ಮಂಗಳೂರಿನ ಪೊಲೀಸ್ ವರುಣ್ ರವರು ಬೆನ್ನಟ್ಟಿ ಹಿಡಿದಿದ್ದು. pic.twitter.com/SqmzVv77Cj

— Shashi Kumar CP mangaluru (@ShashiK85532199) January 13, 2022