టీవీ, సినీనటి సౌజన్యది ఆత్మహత్యే: పోలీసుల స్పష్టీకరణ

Posted: 10/19/2021 12:59 PM IST

Kannada tv actor soujanyas autopsy report clarifies suicide

టీవీ, సినీ నటి సౌజన్యది ఆత్మహత్యేనని తేల్చారు వైద్యులు. గత నెల 30వ తేదీన అమె అనుమానాస్పద స్థితిలో మృతిచెందడంతో ఒక్కసారిగా అనుమానాలు రేకెత్తాయి. అమెది హత్య అని కొందరు, అత్మహత్య అని కొందరు అనుమానాలు వ్యక్తం చేసిన నేపథ్యంలో తాజాగా వెల్లడైన వివరాల నేపథ్యంలో అమెది ఆత్మహత్యే అని పోలీసులు తెలిపారు. శాండిల్ వుడ్ లో మంచి గుర్తింపును తెచ్చుకుంటున్న తరుణంలో అమె ఆకస్మాత్తుగా మరణించడంతో ఈ మేరకు అనుమానాలు రేకెత్తాయి. కాగా, పోస్టుమార్టం నివేదికలో అమెది ఆత్మహత్యేనని వైద్యులు వెల్లడించారని పోలీసులు తెలిపారు.

బెంగళూరులోని కుంబళగోడులోని తన ఇంట్లో గత నెల 30న సౌజన్య విగతజీవిగా కనిపించింది. సమాచారం అందుకున్న పోలీసులు వచ్చి పరిశీలించగా అమె గదిలో ఓ సూసైడ్ నోట్ కూడా లభ్యమైంది. సౌజన్య ఆత్మహత్య వార్త కన్నడ టీవీ రంగంతో పాటు శాండిల్ వుడ్ పరిశ్రమను కుదిపేసింది. 25 ఏళ్ల సౌజన్యది కొడుగు జిల్లాలోని కుశాల్ నగర్ కాగా వృత్తిపరంగా బెంగళూరులో ఉంటోంది. అనారోగ్యపరమైన సమస్యలతోపాటు టెలివిజన్ రంగంలోనూ ఆమె ఇబ్బందులు ఎదుర్కొంటున్నట్టు ఆత్మహత్యకు ముందు రాసిన మూడు పేజీల సూసైడ్ నోట్‌లో పేర్కొంది.

అయయితే ఈ సూసైడ్ నోట్ కూడా అనుమానాస్పందంగానే ఉండటం అనుమానాలకు తావిచ్చింది. మూడు వేర్వేరు తేదీలతో అంటే సెప్టెంబరు 27, 28, 30 తేదీలలో ఆ నోట్ రాసినట్టుగా ఉంది. అయితే, తన కుమార్తె ఆత్మహత్య చేసుకునేంత పిరికిది కాదని, ఆమెను హత్య చేశారని ఆమె తండ్రి పోలీసులకు ఫిర్యాదు చేశారు. కేసు నమోదు చేసుకుని విచారణ ప్రారంభించిన పోలీసులు సౌజన్య స్నేహితుడు వివేక్ ను విచారించారు. కాగా, ఆమె ఆత్మహత్య చేసుకున్నట్టు తాజాగా నిర్వహించిన పోస్టుమార్టం నివేదికలో వెల్లడైంది. సౌజన్య పలు సీరియళ్లతోపాటు కొన్ని సినిమాల్లోనూ నటించింది.