ముంబైలో ‘నిర్భయ’ ఘటనలో భాధిత మహిళ మృతి

Posted: 09/11/2021 02:48 PM IST

Nirbhaya like horror in mumbai woman raped and brutally assaulted with iron rod dies

దేశ వాణిజ్య రాజధాని ముంబైలో నిర్భ‌య త‌ర‌హా ఘ‌ట‌న క‌ల‌క‌లం రేపిగా బాధితురాలు చికిత్స పోందుతూ ఇవాళ మృతిచెందింది. బాధితురాలికి చికిత్స అందిస్తున్న రాజావాడీ అసుపత్రి వైద్యులు ఈ విషయాన్ని తెలిపారు. బాధితురాలిని అత్యంత దారుణంగా అమె ప్రైవేట్ పార్ట్స్ లో ఇనుప రాడ్ తో చేసిన గాయాలతో అసుపత్రిలో చేరినప్పటి నుంచి అమె పరిస్థితి విషమంగానే ఉందని చెప్పారు. ఈ క్రమంలో చికిత్స పోందుతున్న ఆమె అసుప్రతిలో మరణించిందని తెలిపారు. ముంబైలోని శివారు ప్రాంతమైన స‌కినాకలో.. ఓ టెంపో వాహ‌నంలో అమెపై అత్యాచారానికి పాల్పడిన అనంతరం ఈ పాశవిక చర్యకు పాల్పడ్డారు.

ఆర్థిక రాజధాని ముంబైలో 32 ఏళ్ల మ‌హిళ‌పై అత్యంత దారుణంగా లైంగిక దాడి జ‌రిపారు. ఆ తరువాత అమెపై అత్యంత పాశవిక చర్యలకు పాల్పడ్డారు. అఘాయిత్యానికి పాల్పడిన తరువాత ఆమె ప్రైవేట్ భాగాల్లో ఇనుప రాడ్‌ జొప్పించి.. దాంతో గాయ‌ప‌రి్చారు. అనంతరం తీవ్ర రక్తస్రావంతో రక్తమోడుతున్న అమెను అక్కడే రోడ్డుపైనే వదిలేసి వెళ్లిన దారుణ ఘ‌ట‌న చోటుచేసుకుంది. ని పోలీసులు శుక్ర‌వారం వెల్ల‌డించారు. ఈ ఘ‌ట‌న‌లో నిందితుడు మోహ‌న్ చౌహాన్‌ను అరెస్ట్ చేసిన పోలీసులు బాదితురాలిని ద‌వాఖాన‌కు త‌ర‌లించారు.

ప్ర‌స్తుతం మ‌హిళ పరిస్థితి విష‌మంగా ఉంద‌ని తెలిపారు. శుక్ర‌వారం తెల్ల‌వారుజామున మ‌హిళ నిస్స‌హాయ స్థితిలో క‌నిపించింద‌ని స‌మాచారం రాగా ఘ‌ట‌నా స్ధ‌లానికి వెళ్లామ‌ని, అక్క‌డ ర‌క్త‌పు మడుగులో బాధితురాలు ప‌డి ఉంద‌ని చెప్పారు. మ‌హిళ‌ను చికిత్స నిమిత్తం అసుపత్రికి త‌ర‌లించి ఘ‌ట‌న జ‌రిగిన గంట‌లోప‌లే నిందితుడిని అరెస్ట్ చేశామ‌ని పేర్కొన్నారు. రోడ్డు ప‌క్క‌న పార్క్ చేసిన టెంపోలో ఈ దారుణం జ‌రిగింద‌ని చెప్పారు. టెంపోలో ర‌క్త‌పు మ‌ర‌క‌లు క‌నిపించాయ‌ని తెలిపారు. నిందితుడిపై తొలుత హత్యాయత్నం, అత్యాచారం కేసులు నమోదు చేసిన పోలీసులు,, బాధితురాలు మరణం అనంతరం హత్య, అత్యాచారం కేసులను నమోదు చేశారు.