అగ్రరాజ్యంలో ఉద్యోగం లభించాలనేది.. స్వేచ్చా, స్వతంత్రంతో తమ ఉద్యోగాలు చేయాలన్నది అనేక మంది నేటి యువతరం కల, ఈ కలను అనేక మంది భారత్ సహా వివిధ దేశాల యువత ప్రతీ నిత్యం సాకంరం చేసుకునేందుకు పోటీ పడుతూనే వుంటారు, డోనాల్ట్ ట్రంప్ అగ్రరాజ్య అధ్యక్షుడి పీఠాన్ని అధిరోహించిన తరువాత వలస ఉద్యోగులు ముప్పుతిప్పలు పడ్డారు, అంతా సర్థుకుంటోందని భావిస్తోన్న క్రమంలో కరోనా మహమ్మారి యావత్ ప్రపంచవ్యాప్తంగా తన ఉనికిని చాటడంతో మరోమారు అగ్రరాజ్యంలో వలసవాదుల ఉద్యోగుల ఉపాధి అంశం చర్చనీయాంశంగా మారింది, దీంతో హెచ్-1బీ వీసాలు కలిగిన వారునూ తమ ఉద్యోగాలను వదిలి వారివారి సోంత దేశాలకు వెళ్లాల్సిన పరిస్థితులు ఉత్పన్నమయ్యేలా ట్రంప్ సర్కార్ చర్యలు తీసుకుంది.
అధ్యక్షుడి చర్యలపై దిగ్గజ కార్పోరేట్ సంస్థల నుంచి చిన్న చిన్న సంస్థల వరకు బహాటంగానే వ్యతిరేకత వచ్చింది. అంతేకాదు ఉద్యోగస్థులు నుంచి కూడా పెద్ద ఎత్తున్న నిరసనలు వచ్చాయి, దీంతో ట్రంప్ కాస్త వెనక్కు తగ్గినట్టు సమాచారం. తాజాగా హెచ్1-బీ వీసాలకు సంబంధించిన నిబంధనల్లో స్వల్ప సడలింపులు కూడా కల్పించడంతో వలసదారుల్లో సంతోషం వెల్లివిరుస్తోంది, దానిలో భాగంగా వీసా నిషేధం కంటే ముందు చేసిన ఉద్యోగాల్లోకి తిరిగి వచ్చే హెచ్1-బీ వీసాదారులు అమెరికాలోకి ప్రవేశించడానికి అనుమతిస్తామని ఆ దేశ ప్రభుత్వం వెల్లడించింది. వీసాదారులతో పాటు వారిపై ఆధారపడిన భాగస్వాములు, పిల్లలు కూడా వెంట రావచ్చని అమెరికా డిపార్ట్మెంట్ ఆఫ్ స్టేట్ అడ్వైజరీ స్పష్టం చేసింది.
కరోనా వ్యాప్తి కారణంగా కుదేలైన ఆర్థిక వ్యవస్థను తిరిగి గాడిలో పెట్టేందుకు ఈ వీసాలతో ఉన్న విదేశీ టెక్నికల్ స్పెషలిస్టులు, సీనియర్ లెవల్ మేనేజర్ల సేవలు ఎంతగానో అవసరముందని అమెరికా పేర్కొంది. దీంతో హెచ్1బీ వీసాలు కలిగి ఉన్న సాంకేతిక నిపుణులు, ఉన్నత స్థాయి మేనేజర్లు, ఇతర విభాగాల్లో విధులు నిర్వర్తించే వారికి యూఎస్ అనుమతినిచ్చింది. ఈ నిర్ణయం అమెరికా తక్షణ, నిరంతర ఆర్థిక పునరుద్ధరణకు దోహదం చేస్తుందని పేర్కొంది. కరోనా వైరస్ కారణంగా దేశంలో రికార్డు స్థాయిలో నిరుద్యోగం పెరిగిపోయిన తరుణంలో ట్రంప్ జూన్ 22న హెచ్-1బీ, ఎల్ 1 వీసాలతో వలసేతరులు ప్రవేశించడాన్ని నిషేధించిన విషయం తెలిసిందే. ఈ వీసాల నిషేధంపై సడలింపులు ఇవ్వడంతో పలు దిగ్గజ సాఫ్ట్ వేర్ సంస్థలు హర్షం వ్యక్తం చేశాయి.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more