కరోనా పంజా: దేశంలో 3000 చేరిన కోవిడ్ కేసులు..

Posted: 04/04/2020 11:05 AM IST

Coronavirus in india covid 19 cases tally raises in india near 3000 mark death toll at 68

యవత్ ప్రపంచవ్యాప్తంగా కరోనా వైరస్ కరాళ నృత్యం చేస్తోంది. వేలాది మంది ప్రజల ప్రాణాలను బలితీసుకుంటున్న ఈ మహమ్మారి మన దేశంలోనూ పంజా విసురుతోంది. ప్రస్తుతం వేగాన్ని అందుకున్న ఈ మహమ్మారి గంట గంటకు తన బారిన పడుతున్న వారి సంఖ్యను పెంచుకుంటూనే శనివారం ఉదయానికి దేశంలో కరోనా బాధితుల సంఖ్య 2902కి చేరిందని కేంద్ర ఆరోగ్య మంత్రిత్వశాఖ వెల్లడించింది. వీరిలో 68మంది మరణించగా 2650 మంది ప్రస్తుతం చికిత్స పొందుతున్నారని ప్రకటించింది. మరో 184మంది కొవిడ్‌-19 నుంచి కోలుకున్నారని తెలిపింది.

అయితే ఇంతటి కట్టుదిట్టమైన చర్యలు తీసుకున్నప్పటికీ దేశంలో వందల సంఖ్యలో ప్రజలు కరోనా బారిన పడటానికి కారణమం నిజాముద్దీన్ మర్కజ్ ప్రార్థనలేనని స్పష్టం అవుతోంది. ఇక్కడి తబ్లిగీ జమాత్‌ ప్రార్థనాల్లో పాల్గొనేందుక వచ్చిన విదేశీయులే కారణమా..? లేక ఇందులో కూడా ఏమైనా కుట్రలు దాగివున్నాయా.? అన్న విషయం తెలియాల్సి వుంది. ఇదిలావుండగా దేశంలోనే అత్యధికంగా మహారాష్ట్రలో కొవిడ్‌-19 తీవ్రత కొనసాగుతోంది. తాజాగా ఇక్కడ మృతుల సంఖ్య 19కు చేరగా మొత్తం పాజిటివ్‌ కేసుల సంఖ్య 423గా ఉంది. గుజరాత్లో ఈ వైరస్ తో మరణించిన వారిసంఖ్య 9కి చేరింది. ఢిల్లీ, మధ్యప్రదేశ్ లలో కొవిడ్‌-19 మృతుల సంఖ్య 6కు చేరింది.

ఢిల్లీలో బాధితుల సంఖ్య 386కు చేరగా ఇది మరింత పెరిగే అవకాశం ఉన్నట్లు ప్రభుత్వం అంచనా వేస్తోంది. పంజాబ్ లో 53కేసులు నమోదుకాగా 5గురు మరణించారు. మహారాష్ట్ర తరువాత అత్యధిక కేసులు నమోదైన తమిళనాడులో బాధితుల సంఖ్య 411కు చేరింది. కర్ణాటక, పశ్చిమబెంగాల్‌లో ముగ్గురు చొప్పున మరణించారు. జమ్మూ కశ్మీర్‌లో కొవిడ్‌19 కారణంగా ఇద్దరు మరణించారు. కేరళలో కొవిడ్‌ తీవ్రత కొనసాగుతోంది. ఇప్పటికే ఇక్కడ 295కి పైగా పాజిటివ్‌ కేసులు నమోదుకాగా ఇద్దరు మరణించారు. ఉత్తర్‌ప్రదేశ్‌లో 174 కేసులు నమోదు కాగా ఇద్దరు మరణించారు. ఆంధ్రప్రదేశ్‌, బిహార్‌, హిమాచల్‌ప్రదేశ్‌, తమిళనాడులో ఒకరు చొప్పున మరణించారని ప్రభుత్వం వెల్లడించింది.