తెలంగాణలో రేపు (గురువారం) రాష్ట్రంలోని పలు ప్రాంతాల్లో వర్షాలు కురిసే అవకాశముందని హైదరాబాద్ వాతావరణ కేంద్రం అధికారులు తెలిపారు. రాష్ట్రంలోని అనేకప్రాంతాల్లో తేలికపాటి జలుల్లు నుంచి మోస్తారు వర్షాలు కురుస్తాయని తెలిపింది. ఇక క్యూములోనింబస్ (దట్టమైన కారుమబ్బులు) మేఘాలు అధికంగా వున్న ప్రాంతాల్లో మోస్తారు నుంచి భారీ వర్షాలు కూడా కురిసే అవకాశం వుందని వాతావరణ కేంద్రం అధికారులు తెలిపారు. అయితే అకాల వర్షాలు కురవడానికి కూడా కారణాలు వున్నాయి.
ఉత్తరాదిన హిమాలయ పర్వతాల నుంచీ నిత్యం చల్లటి గాలులు వీస్తూనే ఉంటాయి. ఐతే... అప్పుడప్పుడూ రాజస్థాన్, ఆపైన ఆప్ఘనిస్థాన్ నుంచి కూడా చల్ల గాలులు వస్తుంటాయి. ఈ రెండింటిలో ఎడారి ప్రాంతాలే అధికం. మరీ ముఖ్యంగా ఆప్ఘనిస్థాన్ పూర్తిగా ఎడారి దేశం. అయితే అక్కడి నుంచి చల్లగాలులు ఎలా వీస్తాయనేగా మీ అనుమానం. అఫ్ఘనిస్తాన్ లోని ఇసుక నేలలు చల్లదనాన్ని పీల్చుకుంటాయి. అందువల్ల అక్కడి నుంచీ వచ్చే గాలులు అత్యంత చల్లగా ఉంటాయి.
అవి దక్షిణ భారత దేశాన్ని చేరుకునేదాకా చల్లదనాన్ని కోల్పోవు. ఇప్పుడు ఆ గాలులు తెలంగాణను చేరాయి. అందుకే తెలంగాణలో వాతావరణం కొద్దిగా మారింది. గాలులు బాగా వీస్తున్నాయి. ఇదే సమయంలో... బంగాళాఖాతం నుంచి కూడా చల్ల గాలులు అలా అలా వస్తున్నాయి. అవి ఛత్తీస్గఢ్-తెలంగాణ ప్రాంతంలో ఉత్తరాది గాలుల్ని కలుస్తున్నాయి. ఆసక్తికర విషయమేంటంటే... ఈ గాలులు వేగంగా కదులుతూ... ఆకాశంలో దట్టమైన క్యుములోనింబస్ మేఘాల్ని ఏర్పాటు చేస్తున్నాయి.
అవి కాస్త ఎక్కువగానే వానలు కురిపిస్తాయి. సాధారణంగా తెలంగాణలో వాతావరణం ఈపాటికే వేడెక్కాలి. కానీ ఇప్పటికీ రాష్ట్రంలో తక్కువ ఉష్ణోగ్రతలే నమోదవుతున్నాయి. జిల్లాల్లో ఎక్కడా కూడా 20 డిగ్రీలకు మించట్లేదు. ఇదీ మంచిదే. ఇప్పుడే వేడి వాతావరణం వచ్చేస్తే... ఇక మార్చి, ఏప్రిల్, మేలో బతకలేం. కాబట్టి... వాతావరణం ఇలా చల్లగానే ఉండాలని కోరుకుందాం.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more