ఆధార్-మొబైల్ నంబరు లింక్ ఇక ఈజీ

Posted: 11/16/2017 08:32 AM IST

మొబైల్ నంబరుకు ఆధార్ కార్డు అనుసంధానం చేసుకునే ప్రక్రియను ఇక సులువతరం కానుంది. ఓటీపీ ద్వారా కూడా తమ సిమ్ కార్డుకు ఆధార్‌ను అనుసంధానం చేసుకోవచ్చంటూ టెల్కోలకు యూఐడీఏఐ అనుమతి ఇచ్చింది.

ఓటీపీ ఆధారిత సిమ్ వెరిఫికేషన్‌కు అనుమతి ఇచ్చినట్టు యూఐడీఏఐ సీఈవో అజయ్ భూషణ్ పాండే తెలిపారు. వారు సమర్పించిన బ్లూప్రింట్‌కు అనుమతి ఇచ్చామని, డిసెంబరు ఒకటో తేదీ నుంచి ఓటీపీ ద్వారా సిమ్ వెరిఫికేషన్ చేసుకోవచ్చని ఆయన వివరించారు.

మొబైల్ నంబరుకు ఆధార్ అనుసంధానం కోసం ప్రభుత్వం గత నెలలో మూడు విధానాలను అమల్లోకి తీసుకొచ్చింది. తాజాగా ఆపరేటర్లు చేసిన ఓటీపీ (వన్ టైమ్ పాస్‌వర్డ్) ఆధారిత లింకింగ్ ప్రతిపాదనకు ఓకే చెప్పింది. తాజా విధానం ద్వారా మొబైల్ వినియోగదారులు ఇంటి దగ్గరి నుంచే ఓటీపీ, యాప్, ఐవీఆర్ఎస్ విధానాల ద్వారా ఆధార్‌ను లింక్ చేసుకునే అవకాశం చిక్కింది. ఈ లెక్కన్న తుది గడువు ఫిబ్రవరి 6వ తేదీ లోపు అనుసంధానం ప్రక్రియ పూర్తి చేయొచ్చన్నది ప్రభుత్వం ఆలోచన.