రూ. 6వేల కోసమే నటిని హత్యచేశారా.?

Posted: 07/11/2017 07:28 PM IST

Drug peddler confesses to killing actress over dues of rs 6 000

ముంబై మోడల్, నటి కృతికా చౌదరి హత్య కేసు మరో మలుపు తిరిగింది. కేవలం రూ.6000 కోసమే ఆమెను హత్య చేశామని నిందితులు పోలీసులకు వాంగ్మూలం ఇచ్చారు. నటి హత్య నేపథ్యంలో క్షణ్ణంగా ఆధారాలను పరిశీలించిన పోలీసులు అమె నివాసం వద్ద లభించిన సిసిటీవీ ఫూటేజీ అధారంగా ఇద్దరు డ్రగ్‌ డీలర్లను అరెస్టు చేసి కోర్టులో హాజరుపర్చిన విషయం తెలిసిందే. కాగా వారి నుంచి వాంగ్మూలం సేకరించిన పోలీసులకు అరు వేల రూపాయల కోసమే నటిని హత్యచేశారన్న విషయం విస్తుగొలిపింది.

అయితే ఇక్కడ మరో ట్విస్టు వుంది. అమె వారి దగ్గర నుంచి గత ఏడాది జూలై లో మాదకద్రవ్యాలు కొనుగోలు చేసి.. వాటికి సంబంధించిన డబ్బులు సంవత్సరం కాలం గడుస్తున్నా ఇవ్వలేదు. ఈ నేపథ్యంలో నటి కృతికా చౌదరి ప్లాట్ కు చేరుకున్న నిందితులు అమెను డబ్బులు డిమాండ్ చేశారు. అయితే డబ్బులిచ్చే పనిలేదని.. ఏం చేసుకుంటారో చేసుకోండని అమె బదులివ్వడంతో.. ఈ విషయంలో మాట మాట పెరిగి కృతికకు నిందితులకు మధ్య తీవ్ర పెనుగులాట జరిగిందని నిందితులు షకీల్‌ నసీమ్‌ ఖాన్‌, బాద్‌షా బసుదాస్‌ మక్మల్‌ తమ వాంగ్మూలంలో తెలిపారు.

దాంతో అవేశానికి లోనైన నిందితుల్లో ఒకరు ఆమె తలపై కొట్టడంతో తీవ్ర రక్తస్రావమై అక్కడే పడిపోయింది. అమె అపస్మారక స్థితిలోకి జారుకోవడంతో నిందితులు పరారయ్యారు. కృతిక అపార్ట్‌మెంటు నుంచి దుర్వాసన రావడంతో పక్క ప్లాటు వాళ్లు పోలీసులకు సమాచారం ఇచ్చారు. దీంతో నిందితులు అమెను చివరిసారిగా కలిసేందుకు వచ్చారని సీసీటీవీల్లో రికార్డుకావడంతో వారిని అదుపులోకి తీసుకుని విచారించగా అరు వేల రూపాయల కోసం హత్య చేసిననట్లు వారు తెలిపారు. అయితే కృతిక సోదరుడు ఈ విషయాన్ని కొట్టిపారేశాడు.