ITEMVIDEOS:తల్లి కన్నా ఆ పిల్లాడికి ప్రేయసి ఎక్కువైంది

Posted: 11/23/2016 08:05 AM IST

Little boy proposes to his classmate with his mom s diamond ring

మాములుగా తమ కూతుళ్లకి ఎవడైనా లవ్ ప్రపోజ్ చేస్తే ఏ తండ్రైనా చూస్తూ ఊరుకుంటాడా? తుక్కు రేగొట్టడూ... అలాంటిది బ్రిటన్ లో ఓ తండ్రి మాత్రం తన కూతురికి వచ్చిన ప్రేమ కానుక గురించి సంబరంగా వీడియో తీసి అప్ లోడ్ చేయగా, 2 కోట్ల మంది పైగానే ఎగబడిపోయి వీక్షించారు. ఎందుకంటారా? కనీసం లవ్ అన్న పదానికి స్పెల్లింగ్ కూడా సరిగ్గా రాని బుడతడు, అవతల ఉంది ఓ బుడ్డది కావటమే ఇందుకు కారణం...

ఎలిమెంటరీ విద్య చదువుతున్న మిల్లీ ఒకరోజు స్కూలు నుంచి వచ్చి, తన తల్లిదండ్రులతో తన బ్యాగులో ఉంగరం ఉందని, తనకు టామీ ప్రపోజ్ చేసి ఇచ్చాడని చెప్పింది. ఆ వయసు పిల్లాడు ఏమిస్తాడు, బహుశా బొమ్మ ఉంగరం ఇచ్చి ఉంటాడని మిల్లీ తల్లిదండ్రులు భావించారు. అయితే ఆమె బ్యాగు ఓపెన్ చూసిన వారు ఒక్కసారిగా షాక్ కి గురయ్యారు. ఎందుకంటే, ఆ బ్యాగులో ఉన్నది బొమ్మ ఉంగరం కాదు... మూడు వజ్రాలు పొదిగిన ఒరిజల్ రింగ్.

ఇంకేం దానిని చూపుతూ మిల్లీ తండ్రి ఓ వీడియో సందేశం తయారు చేసి, సోషల్ మీడియాలో అప్ లోడ్ చేయగా, అది వైరల్ అవుతోంది. కావాలంటే ఆ వీడియోను మీరు కూడా చూడండి. ఇంతకీ ఆ ఉంగరం టామీ తల్లి ఎంగేజ్ మెంట్ రింగ్ అంట. దానిని దొంగిలించికొచ్చి మరీ మిల్లీని పడగొట్టాలని ప్రయత్నించాడన్న మాట. బేవోన్స్ సింగిల్ లేడీస్ పాటలో నచ్చితే ఉంగరం తొడిగేసేయ్ రా... అన్న మాటను ఈ బుడ్డొడు సీరియస్ గా తీసుకున్నాడేమో... అందుకే ఇలా డేర్ చేసేశాడు. అన్నట్లు వీడియో చివర్లో ఆ టామీని మీరు కూడా చూడొచ్చు.