అనంత జనసేన సభ: 2019లో ఏం చేయాలో అది చేస్తాం-పవన్

Posted: 11/10/2016 04:35 PM IST

సీమాంధ్ర హక్కుల చైతన్య సభలో పవన్ ప్రసంగిస్తూ... సగలు ఆదాయం ప్రకారం లక్షా 70 వేల కోట్లు ఇవ్వాలని కేంద్ర ఆర్థిక సంఘం నిర్ణయించింది. కానీ, ప్రభుత్వాలు ఆ పని చేయటం లేదు. ఒకవైపు అంకెల గారడీ చేస్తూ అవి చేశాం. ఇవి చేశాం అంటూ చెప్పుకుంటున్నారంటూ తెలిపాడు. ఇండియన్ ఎయిర్ లైన్స్, ఎయిర్ ఇండియాగా మారిందని, లెటర్ల నుంచి మెయిల్స్ కు జనరేషన్ అప్ డేట్ అయ్యిందంటూ సుజానా చౌదరి పిచ్చితనంగా మారుతుందని, బూజు పట్టిన ఆలోచన విధానాలు సరికాదని మాట్లాడాడని.... చట్టబద్ధత లేని ప్యాకేజీ గురించి ఎంత చర్చించినా పనికి రాదు కదా అంటూ చెప్పుకోచ్చాడు. పొలవరం గురించి ఓపికగా వినాలంటూ కళ్ల జోడు పెట్టుకుని దీనికి కేంద్రం నిధులు గ్రాంట్ చేయాలని పవన్ ప్రసంగం కొనసాగించాడు.

ఏడున్నర లక్షల ఎకరాల ఉపయోగపడే పొలవరం ప్రాజెక్టుకు కేవలం కోట్లలో నిధులు కేటాయించి చేతులు దులుపుకుంది. దానికి రాష్ట్రప్రభుత్వం కూడా మద్ధతు ఇవ్వటం దారుణం అని అన్నాడు. హోదా ఇవ్వాలి ఇవ్వకూడదు అనే విషయం స్పష్టంగా చెప్పాలిగానీ, ప్రజలను వంచించకండి అంటూ రిక్వెస్ట్ చేశాడు. 2 ల‌క్ష‌ల 23 కోట్ల రూపాయ‌లు ఇస్తామంటూ మీరు ఏ ప్రాతిప‌దిక‌న చెబుతున్నారో నాకు అర్థం కావ‌ట్లేదు. రాజ‌కీయ క్రీడ ఆడుతున్నారంతే.... అడిగినా అడ‌గ‌క‌పోయినా రాష్ట్రానికి రావాల్సిన ప్యాకేజీనే మ‌ల్లీ ప్ర‌త్యేక ప్యాకేజీ పేరుతో ఇస్తున్నారు.

ముమ్మాటికీ కేంద్రం చేసేది అంకెల గార‌డి త‌ప్పా ఇంకేం లేదు’ అని పవన్ కల్యాణ్ అన్నాడు. మోసం చేసి నానిస్తే మనసులు గట్టిపడి ఎలాంటి స్థాయికైనా వెళ్తాయంటూ హెచ్చరించాడు. ప్యాకేజీ పై హర్షం వ్యక్తం చేస్తున్న టీడీపీ నేతలు అనంతపురంలో సెంట్రల్ యూనివర్సిటీ తదితర అంశాలు నెరవేర్చకపోవటంపై నిరసన వ్యక్తం చేశాడు. మీరు ఇలాగే చేస్తే 2019 ఎన్నికల్లో ఏం చేయాలో అది చేస్తాం అంటూ గగ్దద స్వరంతో స్పందించాడు.