బృందావనం గురూజీ అశ్రమంలో వివాహితపై అత్యాచారం

Posted: 11/05/2016 02:16 PM IST

ఉత్తరప‍్రదేశ్లో దురాగతం జరిగింది. ఆధ్యాత్మిక గురువు దర్శనం కోసం ఆయన ఆశ్రమానికి  వెళ్లిన వివాహితపై ఆశ్రమ నిర్వాహకుడు అత్యాచారానికి పాల్పడ్డిన ఘటన అలస్యంగా వెలుగులోకి వచ్చింది. మూడు మాసాలుగా తీవ్ర మనోవేదనను అనుభవించిన వివాహిత.. ఎట్టకేలకు భర్తకు తనపై జరిగిన లైంగిక దాడి విషయాన్ని చెప్పింది. దీంతో తన భార్యతో కలసి పోలీసు స్టేషన్ కు వెళ్లిన ఆయన సదరు అశ్రమ నిర్వాహకుడిపై పిర్యాదు చేశాడు. కేసు నమోదు చేసిన పోలీసలు దానిని ఉత్తర్ ప్రదేశ్ లోని బృందావనం పోలిస్ స్టేషన్ కు బదిలీ చేసింది. జూలై 28న జరిగిన ఈ ఘటన ఆలస్యంగా వెలుగులోకి వచ్చింది.

పోలీసుల కథనం ప్రకారం.. ఢిల్లీకి చెందిన భార్యాభర్తలు.. విపిన్ మహారాజ్ గురు దర్శనం కోసం బృందావనంలోని రాస్ బెహరి ట్రస్ట్ ఛారిటబుల్ ఆశ్రమానికి వెళ్లారు. అక్కడ ఆశ్రమ బాధ్యతలు చూసే నిర్వాహకుడు సామాగ్రి తీసుకురావాల్సిందిగా ఢిల్లీకి చెందిన వ్యక్తి చెప్పాడు. ఆయన మార్కెట్కు వెళ్లగా ఒంటరిగా ఉన్న వివాహితపై ఆశ్రమ నిర్వాహకుడు అఘాయిత్యానికి పాల్పడ్డాడు. ఈ విషయం బయటకు చెప్పవద్దని ఆమెను బెదిరించాడు.  

మూడు నెలలుగా తనకు జరిగిన ఘటనను తనలోనే దిగమింగుకుంటూ.. చివరకు మనోవేధనను భరించలేక తన భర్తకు బాధితురాలు విషయాన్ని చెప్పింది. బాధితురాలు భర‍్తతో కలసి వెళ్లి ఢిల్లీ పోలీసులకు ఫిర్యాదు చేసింది. ఢిల్లీ పోలీసులు ఫిర్యాదు నమోదు చేసుకుని, కేసును ఉత్తర్ ప్రదేశ్ లోని బృందావనం పోలీస్ స్టేషన్కు బదిలీ చేశారు. పోలీసులు బాధితురాలి వాంగ్మూలాన్ని రికార్డు చేసి దర్యాప్తు చేస్తున్నారు. కాగా నిందితుడైన ఆశ్రమ నిర్వాహకుడిని పోలీసులు అదుపులోకి తీసుకున్నారు.