గ్యాంగ్ రేప్ జరుగుతుంటే కనీసం అరవలేదంట!

Posted: 09/17/2016 05:05 PM IST

Aman vihar rape victims our male friends sat as mute spectators

దేశ రాజధాని ఢిల్లీ శివార్లలో ఇద్దరు మైనర్ యువతులపై ఐదుగురు దారుణంగా అత్యాచారానికి పాల్పడిన ఘటన కలకలం రేపిన సంగతి తెలిసిందే. రేప్ జరిగిన అనంతరం అటుగా వచ్చిన పోలీస్ వాహనాన్ని ఆపి వారు విషయం చెప్పటంతో విషయం వెలుగులోకి వచ్చింది. ఇక ఈ కేసులో బాధితులు తమ ప్రియుళ్లపై సంచలన వ్యాఖ్యలు చేశారు. ఐదుగురు దుండగులు మాపై అతి కిరాతంగా అత్యాచారం చేస్తుంటే... వారు ఓ మూలన కూర్చుని ప్రశాంతంగా ఆ దురాగతాన్ని చూస్తూ ఉండిపోయారని వారు చేసిన వ్యాఖ్యలు సంచలనం రేపాయి.

కనీసం అరవాలన్న ఇంగిత జ్నానాన్ని కూడా ప్రదర్శించలేకపోయారు. పైగా ఈ దారుణంపై పోలీస్ పిర్యాదు అనంతరం సాక్ష్యం చెప్పేందుకు కూడా వారు నిరాకరించారని బాదితులు ఆవేదన వ్యక్తం చేశారు. అమన్ విహార్ మురికివాడలో నివాసం ఉంటున్న 17, 18 సంవత్సరాల ఇద్దరు బాలికలు తమ బాయ్ ఫ్రెండ్స్ తో కలిసి సరదాగా విహారయాత్రకు వెళ్లారు. ఆ సమయంలో వారిని అడ్డగించిన ఐదుగురు దుండగులు ఆ ఇద్దరు స్నేహితులను బెదిరించి అమ్మాయిలపై గ్యాంగ్ రేప్ కి పాల్పడ్డారు.

అనంతరం పెట్రోలింగ్ జీపు సౌండ్ రావటంతో అక్కడి నుంచి పరుగులు పెట్టారు. బాధిత బాలికలను వైద్య పరీక్షకు పంపించగా వారిపై సామూహిక అత్యాచారం జరిగిందని తేలింది. అత్యాచారం చేస్తుండగా ప్రతిఘటించేందుకు చాలా ప్రయత్నించామని, పోలీసులు రాకుండా ఉంటే దుండగులు తమను చంపేసి ఉండే వారని బాధిత బాలికలు రోదిస్తూ చెప్పారు. బాధిత బాలికలు మెట్రోరైలు పనులు చేస్తున్న కూలీల కూతుళ్లని పోలీసులు చెప్పారు.

పోలీసులు రేప్ చేసిన నలుగురిని అరెస్టు చేశారు. నిందితుల్లో ఓ మైనర్ బాలుడు కూడా ఉన్నారని పోలీసులు చెప్పారు. ఐదో నిందితుడి కోసం గాలిస్తున్నారు. నిందితులపై కేసు నమోదు చేసి వారిని జైలుకు రిమాండుకు పంపించామని పోలీసులు వివరించారు. కాగా, ఇదే స్థలంలో ఇంతకు ముందు మూడు సంఘటనలు జరిగినా పోలీసులు మాత్రం కనీస నిఘా కూడా పెట్టలేకపోయారని స్థానికులు ఆగ్రహాం వ్యక్తం చేశారు.