పవన్ ప్రసంగం1: ఇచ్చిన మాట వెనక్కి తీసుకోలేం

Posted: 08/27/2016 04:35 PM IST

తిరుపతిలో ఇందిరాగాంధీ మైదానంలో పవన్ కల్యాణ్ జనసేన నిర్వహిస్తున్న బ‌హిరంగ స‌భ‌ ప్రారంభం అయ్యింది. ఇచ్చిన మాట వెనక్కి తీసుకోలేం అంటూ ఆవేశపూరితంగా పవన్ తన ప్రసంగం ప్రారంభించాడు. నాకు సినిమాలపై వ్యామోహం లేదు. దేశం మీద, సమాజం మీద వ్యధ ఉంది. కొందరు నన్ను ఉద్దేశించి గబ్బర్ సింగ్ కాదు.. రబ్బర్ సింగ్ అని హేళన చేశారు. నేను ఏం మాట్లాడిన ఆలోచించి మాట్లాడుతా. నోరుంది కదా అని ఏది పడితే అది మాట్లాడితే సస్పెండ్ అయి ఇంట్లో కూర్చోవాల్సి వస్తుంది అంటూ పరోక్షంగా వైసీపీ ఎమ్మెల్యే రోజాను ఉద్దేశించి పంచ్ వేశారు. 

సినిమాల్లో రౌడీలు విలన్లను కొట్టేయచ్చు, హీరోయిన్లతో పాట్లు పాడొచ్చు, అన్యాయాలను ఎదుర్కోవచ్చని అన్నారు. ఇదంతా రెండున్నర గంటల్లో చేయొచ్చు. కానీ నిజ జీవింతలో ఇది సాద్యం కాదు. రెండు విషయాలు మాట్లాడటానికి వచ్చాను. ఒకటి జనసేన పార్టీ గురించి, రెండోది టీడీపీ పనితీరుపై నా అభిప్రాయం. అన్నింటి కంటే ముఖ్యమైంది రాష్టాన్ని విడగొట్టి హోదా ఇస్తానని చెప్పి తాత్సారం చేసిన కేంద్రం ప్రభుత్వంపైన మాట్లాడతానని అన్నారు.

వర్థమాన రాజకీయాలు, రాజకీయ నాయకులు మేలు చేయకపోవటం దారుణం. స్పెషల్ స్టేటస్ ఇస్తామని తాత్సారం చేస్తున్నారు. మీకోసం నేను పోరాడతా మీరు ప్రశాంతంగా ఉండండి. రైతుల పక్షపాతి, టీడీపీకి తొత్తులుగా ఉన్నానని కొందరు విమర్శిస్తున్నారు. నేనేం మోదీ భజన చేయటం లేదు. దేశ సంపద అంటే ఖనిజాలు కాదు... యువతే. జనసేన అంటే తెలుగు రాష్ట్రాల ప్రజా సమస్యలకు భజన సేన అంటూ చెప్పుకొచ్చాడు.