అక్కడ కుక్కలు కనిపిస్తే చాలు.. చంపి తినేయటమే!

Posted: 08/17/2016 12:26 PM IST

అగ్రరాజ్యలపై యుద్ధం ప్రకటించడం, అమ్మాయిల వ్యవహారంలో లైంగిక దాడుల విమర్శలు ఎదుర్కున్న ఉత్తరకొరియా అధ్యక్షుడు కిమ్ జంగ్ ఉన్ వివాదాలకు కేరాఫ్ అడ్రస్ గా మారిపోయాడు. కానీ, మానవత్వం మరిచి తాజాగా చేసిన వ్యాఖ్యలు వింటే ఎవరికైనా కడుపు రగిలిపోవటం ఖాయం. కొరియన్లను ఉద్దేశించి కుక్క మాంసాన్ని కడుపారా తినండి కిమ్ చేసిన ప్రకటన విమర్శలకు తావిస్తోంది.

మూగజీవుల మారణకాండకు ఆద్యం పోసిన కిమ్ జాంగ్ ఉన్ మాటలు ఎలా ఉన్నాయంటే... 'నా ప్రియమైన ప్రజలారా! కుక్క మాంసాన్ని కడుపారా తినండి. ఎందుకంటే...బీఫ్, చికెన్, పోర్క్, బాతు మాంసాల కంటే కుక్కమాసం ఎంతో బలవర్ధకమైనది. ఎన్నో పోషక విలువలు ఉన్నాయి' అంటూ ప్రసంగించాడు. దీంతో అక్కడి వార్తా సంస్థలు మూగజీవాల్లోని పోషక విలువలు అంటూ ప్రత్యేక కథనాలను ప్రచురిస్తున్నాయి.

దేశాధ్యక్షుడే ఇలాంటి ప్రకటన చెప్పేసరికి మరి ప్రజలు ఊరుకుంటారా? మరి కర్కషంగా వాటిని చంపి ఆ వీడియోలను సోషల్ మీడియాలో పోస్ట్ చేస్తున్నారు. ఇంకోదరైతే 'కుక్కలను మామూలుగా తిన్నప్పటి కంటే వాటిని బాధకు గురిచేసి చంపి తింటే ఇంకా రుచికరంగా ఉంటున్నాయంటూ లొట్టలేసుకుంటూ తింటూ ఆ ఫోటోలను, సందేశాలు నెట్ లో పెడుతున్నారు.

కొరియన్లు ఇలా రాక్షసులుగా మారిపోవటం వెనుక బలమైన వాదనే వినిపిస్తోంది. దశాబ్ద కాలంగా ఉత్తర కొరియాలో ఆకలిచావులు ఎక్కువ అయిపోయాయి. 90వ దశకం నుంచి ఇప్పటిదాకా సుమారు 3 మిలియన్ జనాభా చనిపోయినట్లు సర్వేలు చెబుతున్నాయి. ఈ క్రమంలో ఇలా దేని పడితే దానిని తినేయటం అక్కడి జనాలు అలవాటు చేసుకున్నారు. అయితే విశ్వాసానికి ప్రతీకగా, మనిషికి చేదోడువాదోడుగా, మంచి స్నేహితుడిగా నిలిచిన కుక్కలపై జరుగుతున్న ఈ మారణకాండపై జంతు ప్రేమికులను తీవ్ర ఆగ్రహాం వ్యక్తం చేస్తున్నారు.