వియన్నా సూపర్ మార్కెట్లో కాల్పుల కలకలం.

Posted: 07/03/2016 08:32 AM IST

బంగ్లాదేశ్ రాజధాని ఢాకాలో జరిగిన నరమేథం విషాధ ఛాయల నుంచి ఇంకా కోలుకోక ముందే మరోమారు అలాంటి వార్తలే ప్రపంచాన్ని విషాదంలో ముందెత్తాయి. తాజాగా, ఆస్ట్రియా రాజధాని వియన్నాలో ఓ సాయుధుడు కాల్పులకు తెగబడ్డాడు. ఓ సూపర్ మార్కెట్లోకి చొరబడ్డ సాయుధుడు కాల్పులు ప్రారంభించడంతో కలకలం రేగింది. సమాచారం అందుకున్న వేగంగా స్పందించారు. రంగంలోకి దిగిన పోలీసు కమాండోలు అతడిని మట్టుబెట్టారు. ఈ ఘటనలో ఇద్దరు పోలీసులు కూడా గాయాలపాలయ్యారు.

అయితే, ఈ కాల్పులు జరిపిన వ్యక్తికి ఏదైనా ఉగ్రవాద సంస్థకు సంబంధాలు ఉన్నాయా లేవా అనే విషయం ఇంకా తెలియరాలేదు. పోలీసుల వివరాల ప్రకారం బిల్లా సూపర్ మార్కెట్ పై శనివారం రాత్రి ఈ కాల్పులు చోటు చేసుకున్నాయి. ఇప్పటికే ప్రపంచ వ్యాప్తంగా ఇస్లామిక్ స్టేట్ ఉగ్రవాద సంస్థ నరమేధం సృష్టిస్తున్న నేపథ్యంలో కాల్పుల గురించి తెలియగానే పోలీసులు రావడమే కాకుండా ప్రత్యేక కమాండోలు హెలికాప్టర్లలో సంఘటన స్థలానికి వచ్చి వేగంగా స్పందించారు.

మనోహర్