ITEMVIDEOS: పాతబస్తీ బాలుడిని బలితీసుకున్న ఫైర్ స్టంట్

Posted: 04/11/2016 01:37 PM IST

సాహపమే చైరా డింబకా.. అన్నది కదరా పాతాళభభైరవి అన్న నాగార్జున చంద్రలేఖ చిత్రంలోని పాటనే ప్రేరణగా తీసుకున్నాడో.. లేక దైర్యే సాహసే లక్ష్మీ అన్న నానుడిని వంటపట్టించుకున్నాడో కాని ఓ పాతబస్తీ యువకుడు రియాల్టీ షోలో తన సత్తాను చాటాలనుకుని.. అందరి చేత ఔరా అనిపించుకోవాలనుకున్నాడు, సాహసం చేస్తేనే తనకు పేరుతో పాటు ధనం కూడా వస్తుందని భావించి చేసిన సాహసమే అతని ప్రాణాలను బలిగోంది. ఇక టీవీ షోలను అనుకరిస్తూ చేసిన స్టంట్ 19 ఏళ్ల బాలుడిని బలి తీసుకుంది.

వివరాల్లోకెళితే... టీవీ రియాలిటీ షోలను చూసిన జలాలుద్దీన్ అనే 19 ఏళ్ల బాలుడు ఈ నెల 7న ఫైర్ స్టంట్ చేశాడు. ఫలక్ నుమాలోని ఇరుకైన జనవాసాల మధ్య అతను చేస్తున్న ఈ సాహసాలను అక్కడి ప్రజలు అభ్యంతరం తెలిపారు. ఇలాంటి స్టంట్లు ఏమైనా వుంటూ నిర్జన ప్రాంతంలోకి వెళ్లి చేసుకోవాలని సూచించారు, అయితే తాను సాహసం చేయాలని నిర్ణయించుకున్న జలాలుద్దిన్.. స్నేహితులతో కలసి స్థానికంగా వున్న నిర్మానుష్య ప్రాంతానికి వెళ్లి అక్కడ ప్రాక్టీసు చేయడం ప్రారంభించాడు.

స్నేహితుల సమక్షంలోనే అతడు ఒంటిపై కిరోసిన్ పోసుకుని స్వయంగా తన శరీరానికి నిప్పు పెట్టుకున్నాడు. ఆ సందర్భంగా అతడి మిత్రులు వారిస్తున్నా అతడు వినలేదు. ఈ స్టంట్ లో జలాలుద్దీన్ యత్నం బెడిసికొట్టింది. శరీరానికి స్వహస్తాలతో పెట్టుకున్న నిప్పు కారణంగా అతడు తీవ్రంగా గాయపడ్డాడు. దీంతో అతడు ఆసుపత్రి బెడ్ పైకి చేరాడు. ఈ క్రమంలో వైద్యులు అందించిన చికిత్స పెద్దగా ఫలితాన్నివ్వలేకపోయింది. చికిత్స పొందుతూనే అతడు చనిపోయాడు. దీంతో పాతబస్తీలో విషాద ఛాయలు అలముకున్నాయి. జలాలుద్దీన్ చనిపోయిన నేపథ్యంలో అతడి ఫైర్ స్టంట్ కు చెందిన వీడియో మీడియా చేతికి చిక్కింది. ప్రస్తుతం ఈ వీడియో అటు తెలుగు టీవీ ఛానెళ్లలో ప్రముఖంగా ప్రసారమవుతుండగా, ఇటు సోషల్ మీడియాలోనూ హల్ చల్ చేస్తుంది,

మనోహర్