ITEMVIDEOS: సికింద్రాబాద్ లో సాఫ్ట్ వేర్ ఇంజనీర్ హత్య

Posted: 03/03/2016 10:09 AM IST

సికింద్రాబాద్ స్వప్న లోక్ కాంప్లెక్స్ వద్ద ఈ ఉదయం మార్నింగ్ వాక్ చేస్తున్న సాఫ్ట్ వేర్ ఇంజనీర్ ను గుర్తు తెలియని వ్యక్తులు హత్య చేశారు. గుర్తు తెలియని వ్యక్తులు అకస్మాత్తుగా ఆ ఇంజనీరు మీద కత్తులతో దాడి చేయగా... అతడు అక్కడికక్కడే రక్తపు మడుగులో ఒరిగాడు. .యువకుడిని దారుణంగా చంపారన్న వార్త సికింద్రాబాద్ లో సంచలనం సృష్టించింది. దాంతో స్థానికులు వెంటనే మహంకాళి పోలీసులకు సమాచారం అందించగా పోలీసులు కేసు నమోదు చేసి విచారణ ప్రారంభించారు. కాగా శవాన్ని పోస్టుమార్టం కోసం తరలించారు.

సాఫ్ట్ వేర్ ఇంజినీర్ సంజయ్ జంగ్ ఉదయం సికింద్రాబాద్ లోని స్వప్న లోక్ కాంపెక్స్ వద్ద నడుచుకుంటూ వెళుతున్నాడు. అదే సమయంలో తెలుగు రంగుతో ఉన్న ఓ స్విఫ్ట్ కారు వచ్చింది. అందులో ఉన్న నలుగురు వ్యక్తులు సంజయ్ ను పట్టుకోవడానికి ప్రయత్నించారు. దీనిని గమనించిన సంజయ్ పరుగులు తీశాడు. కానీ వారు సంజయ్ ను పట్టుకుని కత్తులతో ఇష్టమొచ్చినట్లుగా పొడిచారు. దీనితో అతను అక్కడికక్కడనే కుప్పకూలిపోయాడు. వెంటనే నిందితులు అదే కారులో ట్యాంక్ బండ్ వైపుగా పారిపోయారు. సంజయ్ వద్ద లభించిన ఐడీ కార్డు, సెల్ ఫోన్ ఆధారంగా కుటుంబసభ్యులకు సమాచారం అందించారు. సంజయ్ కుటుంబ సభ్యులు కన్నీరుమున్నీరుగా విలపిస్తున్నారు. మృతదేహాన్ని గాంధీ మార్చురీకి తరలించారు. కాంప్లెక్సు సమీపంలో ఉన్న సీసీ కెమెరాల ఆధారంగా నిందితులను పట్టుకొనేందుకు పోలీసులు ప్రయత్నాలు మొదలు పెట్టారు. ఎవ్వరితోనూ శత్రుత్వం లేదని కుటుంబసభ్యులు పేర్కొంటున్నట్లు సమాచారం. నిందితులను పట్టుకున్న తరువాత సాఫ్ట్ వేర్ ఇంజినీర్ సంజయ్ ను ఎందుకు హత్య చేశారో తెలుస్తుంది.