సొంత పార్టీ నేతలపై అరోపణలు.. బాబుగారు చర్యలు తీసుకుంటారా..? వదిలేస్తారా.?

Posted: 02/29/2016 05:39 PM IST

తనకు రాజకీయ భవిష్యత్ కల్పించిన మాతృపార్టీ తెలుగుదేశం గూటికి చేరి చేరగానే భూమా నాగిరెడ్డి తన మార్కు రాజకీయాలకు తెరలేపారు. కర్నూలు జిల్లాలో ఒకే పార్టీలో చేరిన రాజకీయ ప్రత్యర్థుల మధ్య రాజకీయవాతావరణం వేడెక్కింది. జిల్లాలో ప్రధాన తెలుగుదేశం నేతలైన శిల్పా సోదరులకు ఇష్టం లేకున్నా, భూమా కుటుంబాన్ని చంద్రబాబు పార్టీలోకి ఆహ్వానించడంతో ఇక వారినే టార్గెట్ చేసుకున్న భూమానాగిరెడ్డి వారిపఃప తన మార్కు రాజకీయాన్ని ప్రదర్శించారు.

సొంత పార్టీలో తనకున్న మిత్రులను దాదాపు పదేళ్ల తరువాత కలుసుకున్నారు. వారిలో ఒకరే మాజీ మంత్రి ఫరూక్. ఈ నేపథ్యంలో ఫరూక్.. శిల్పా సోదరులే లక్ష్యంగా తీవ్ర విమర్శలు చేశారు. వారు ఓడిపోయిన నేతలని గుర్తు చేశారు. ఓడిన వారు సిగ్గుపడాలని, బయటకు కూడా రావద్దని ఫరూక్ హెచ్చరించారు. వరద పనులకు కేటాయించిన నిధులను సోదరులిద్దరూ మెక్కేశారని ఆరోపించారు. రోడ్ల విస్తరణ గురించి, ప్రజల ఇబ్బందుల గురించి, నంద్యాలకు వరదముప్పు గురించి వాళ్లు ఏనాడూ పట్టించుకోలేదని ఆరోపించారు.

అయితే ప్రత్యర్థి పార్టీల నేతలు అరోఫణలు చేస్తే వాటి సత్యదూర అరోపణలను కోట్టేసే నేతలు.. పార్టీ అధిష్టానం.. మరి సొంత పార్టీ నేతలు వారిపై అరోపణలు గుప్పిస్తున్న తరుణంలో వారిపై పార్టీ అధినేత, ఆంధ్రప్రదేశ్ ముఖ్యమంత్రి చర్యలు తీసుకుంటరా..? లేక తమ గూటికి చెందిన పక్షులే అని వదిలేస్తారా..? అని పలువురు రాజకీయ విశ్లేషకులు సందేహాలను వ్యక్తం చేస్తున్నారు. ఒకవేళ ఆయన చర్యలు తీసుకున్న పక్షంలో అవి ఎలా వుంటాయన్నది ఉత్కంఠను రేపుతుంది.  ఉభయకుశోలపరి అన్నట్లుగానా.? లేక కొత్త వింత పాత రోత అన్నట్లుగా వుంటాయా అన్నది మిలియన్ డాలర్ల ప్రశ్నగా మారింది.

జి మనోహర్