మహారాష్ట్రలో నరమేథం.. కుటుంబసభ్యులను చంపి వ్యక్తి ఆత్మహత్య

Posted: 02/28/2016 11:33 AM IST

మహారాష్ట్రలో 14 మంది దారుణ హత్యకు గురయ్యారు. థానే నగరంకు సమీపంలోని కాసర్ వాది ప్రాంతంలో ఆదివారం తెల్లవారుజామున చోటుచేసుకున్న ఈ ఘటన తీవ్ర సంచలనం రేపింది. ఓ వ్యక్తి తన కుటుంబంలోని 14 మందిని హత్య చేసి ఆత్మహత్య చేసుకున్నట్టు పోలీసులు తెలిపారు. కత్తితో గొంతులు కోసి కిరాతకంగా చంపాడు. ఈ దారుణ ఘటన నుంచి ఓ మహిళ ప్రాణాలతో బయటపడింది. ఆమెను ఆస్పత్రికి తరలించి చికిత్స అందిస్తున్నారు. హంతకుడు ఉరేసుకుని ఆత్మహత్యకు పాల్పడ్డాడు.

చేతిలో కత్తి ఉండడంతో అతడే ఈ హత్యలు చేసినట్టు పోలీసులు అనుమానిస్తున్నారు. హత్యకు దారి తీసిన పరిస్థితుల గురించి పోలీసులు దర్యాప్తు చేపట్టారు. అతడు ఎందుకు ఈ కిరాతానికి పాల్పడ్డాడో తెలియరాలేదని థానే సంయుక్త పోలీసు కమిషనర్ అశుతోష్ డుమ్రీ చెప్పారు. ఒక మహిళ ప్రాణాలతో బయటపడ్డారని వెల్లించారు. షాక్ నుంచి తేరుకోనందున ఆమెను ఇంకా ప్రశ్నించలేదని తెలిపారు.

జి మనోహర్