ITEMVIDEOS: ప్రేమికులను చెట్టుకు కట్టేసి..

Posted: 01/17/2016 05:06 PM IST

చట్టాన్ని చేతిలోకి తీసుకోవడం తప్పు అని తెలిసినా కూడా కొంత మంది మాత్రం అదే తప్పు మళ్లీమళ్లీ చేస్తుంటారు. తప్పు చేసిన వారిని శిక్షించడానికి చట్టాలున్నా కానీ వాటిని ఖాతరుచెయ్యకుండా తమకు నచ్చినట్లు చాలా మంది చేస్తుంటారు. ఇలాంటి ఘటనే ఒకటి రాజస్థాన్ లో చోటుచేసుకుంది. అయితే ఇందులో ఇద్దరు ప్రేమికులను చెట్టుకు కట్టివెయ్యడం... ఆ దృష్యాలు కాస్తా సోషల్ మీడియాలో హల్ చల్ చెయ్యడంతో వివాదం ముదిరి పాకానపడింది. దాంతో సోలీసులు మొత్తం ఘటన మీద కేసు నమోదు చేశారు. లవర్స్ ను అలా కట్టేయడానికి కారణం ఏంటో తెలుసా..? అయితే తెలుసుకోండి.

బన్స్‌వారా జిల్లా లోహోరియా పోలీస్ స్టేషన్ పరిధిలోని ఉంబాడా గ్రామంలో దారుణం జరిగింది. ఓ ప్రేమ జంటను ఉంబాడా గ్రామస్థులు ఓ గుంజకు కట్టేసి రెండు గంటల పాటు హింసించారు. ఓ యువకుడు తన ప్రియురాలితో కలిసి తిరుగుతుండటాన్ని యువతి బంధువులు గమనించారు. దీంతో వారిద్దరిని ఓ ఇంటి ముందున్న గుంజకు కట్టేశారు. రెండు గంటల పాటు ఆ ప్రేమికులను హింసించారు. విషయం తెలుసుకున్న యువకుడి తల్లిదండ్రులు అక్కడికి వచ్చి అతడిని విడిపించుకుని పోయారు. రెండు గంటలపాటు కట్టేయడంపై బాధిత యువకుడు పోలీసులకు ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు ప్రారంభించారు.