టైటిల్ చదవడానికి కాస్త విచిత్రంగానూ, ఆశ్చర్యకరంగానూ వున్నా.. అది జరిగింది మాత్రం నిజం. ఇటీవల మహామాయగాడు అయిన ఓ కామాంధుడ్ని పోలీసులు అరెస్ట్ చేయగా.. ఇంటరాగేషన్ సమయంలో అతడే పోలీసుల్ని ప్రశ్నిస్తున్నాడు. ఇంతకీ ఆ కామాంధుడు ఎవరా? అని అనుకుంటున్నారా! మరెవ్వరో కాదు.. ఏకంగా 39 వేలమంది అమ్మాయిల ఫోన్ నెంబర్లను ట్రాక్ చేసి, దాదాపు 300 మందిని వంచించి తన కామవాంఛను తీర్చుకున్న మధు. సాధారణంగా తమ కస్టడీలోకి తీసుకున్న నిందితుల్ని పోలీసులు ప్రశ్నిస్తారు కానీ.. మధు విషయంలో మాత్రం భిన్నంగా వుంది. నిందితుడే పోలీసు అధికారులకు ఎదురు ప్రశ్నలు వేస్తున్నాడు. దీంతో ఖంగుతిన్న పోలీసులు.. అతడి ప్రశ్నకు ఏం సమాధానం చెప్పాలో తెలియక తలలు పట్టుకున్నారట.
ఉద్యోగాల పేరిట యువతులను వంచన చేసిన మధును ఇటీవల హైదరాబాద్ పోలీసులు అరెస్ట్ చేసిన విషయం తెలిసిందే! అతడి ఇల్లు, కార్యాలయాల్లో సోదాలు చేసిన పోలీసులకు విస్తుగొలిపే ఆధారాలు లభ్యమయ్యాయి. ఈ క్రమంలో మరిన్ని వివరాలు రాబట్టేందుకు.. న్యాయస్థానం అనుమతితో నిందితుడ్ని నాలుగు రోజుల క్రితమే సీసీఎస్ పోలీసులు తమ కస్టడీలోకి తీసుకున్నారు. అనంతరం తొలిరెండు రోజుల విచారణ చేసిన పోలీసులకు అంతగా ఇబ్బందులేమీ ఎదుర్కోవాల్సి రాలేదు కానీ.. మూడోరోజు విచారణ సందర్భంగా మధు వారికి షాకిచ్చాడు. ఈ నేపథ్యంలోనే మధు నుంచి వీరికి కొన్ని ప్రశ్నలు ఎదురయ్యాయి. ఓపక్క ఎడ్యుకేషన్ కన్సల్టెన్సీ ముసుగులో, బంగారు భవితకు అవసరమైన సలహాలు ఇస్తానంటూ అనేక మంది యువతుల్ని వంచించినట్లు అంగీకరిస్తున్నాడు. మరోపక్క తాను ఎవరినీ మోసం చేయలేదంటూ చెబుతున్నాడు. ‘నేను ఎవరినీ మోసం చేయలేదు.. బలవంతంగా అమ్మాయిల్ని వంచంది అత్యాచారమూ జరపలేదు. అలాంటప్పుడు ఏం తప్పు చేసినట్లు సార్?’ అంటూ తిరిగి ప్రశ్నిస్తున్నాడు.
ఇదిలావుండగా.. మధు చేతిలో వంచనకు గురైనట్లు అనుమానిస్తున్న బాధితులను సంప్రదించడానికి సీసీఎస్ అధికారులు చేస్తున్న ప్రయత్నాలు ఫలించట్లేదు. అతడి నుంచి స్వాధీనం చేసుకున్న రిజిస్టర్లలో ‘ఓవర్’, ‘డేంజర్’, ‘వేస్ట్’ అంటూ రిమార్క్స్ ఉన్న వారిని గుర్తించి, ఫిర్యాదులు తీసుకునేందుకు అధికారులు ముమ్మరంగా యత్నిస్తున్నారు. నిందితుడిపై మరింత పకడ్బందీ చర్యలు తీసుకోవడానికి బాధితులు ఎవరైనా ఉంటే ధైర్యంగా ముందుకు వచ్చి ఫిర్యాదు చేయాలని, వారి వివరాలు పూర్తి గోప్యంగా ఉంచుతామని సీసీఎస్ పోలీసులు చెప్తున్నారు. అయితే వీటిలో కొన్ని ఫోన్లు పని చేయకపోవడమో, మరికొన్నింటి నుంచి సరైన స్పందన లేకపోవడమో జరుగుతోంది.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more