అన్నా చెల్లెళ్ల ప్రేమ వివాహం.. నిజం తెలిసి విడాకుల పర్వం..

Posted: 09/16/2015 06:22 PM IST

వివాహాలు స్వర్గంలో నిశ్చయమౌతాని అంటుటారు పెద్దలు. మరికోందరు మీకు ఎవరు భాగస్వామిగా రావాలన్నది బ్రహ్మ అప్పుడే రాసి పెడతాడని అంటుంటారు. కానీ ఇక్కడ జరిగిన ఓ పెళ్లి మాత్రం.. వాటిని భద్దవిరుద్దంగా జరిగింది. అయితే ఈ పెళ్లి బ్రహ్మ బదులు ఎవరో రచించారా..? అన్న ప్రశ్నలకు ఊతమిస్తుంది. ఓ యువతి ప్రేమించి పెళ్లి చేసుకున్న యువకుడు.. ఆమెకు వరుసకు సోదరుడవుతాడని తెలుసుకుని నిశ్చేష్టురాలైయ్యింది. తాము బంధువులమని తెలియక ఈ ప్రేమ జంట వివాహం చేసుకుంది. తన భర్తే ...వరుసకు సోదరుడని పెళ్లయిన తర్వాత నిజం తెలుసుకున్న ఆ యువతి విడాకుల కోసం పోలీసులను ఆశ్రయించింది. గుజరాత్లో ఇటీవల ఈ వింత సంఘటన చోటుచేసుకుంది.

అంబవడికి చెందిన ఓ యువతికి ఓ వివాహ వేడుకలో వస్ట్రాల్కు చెందిన ఓ యువకుడు పరిచయమయ్యాడు. అనంతరం వీరిద్దరూ ప్రేమలోపడ్డారు. ఇద్దరూ పెళ్లి చేసుకోవాలని నిర్ణయించుకున్నారు. ఇదే సమయంలో ఆ యువతి తల్లిదండ్రులు ఆమెకు పెళ్లి చేయాలని నిర్ణయించారు. తమ ప్రేమను ఇంట్లో వారు అంగీకరించకపోవచ్చని, వేరే వ్యక్తితో పెళ్లి చేస్తారని ఆ యువతి భయపడింది. ఆ యువతి, ప్రేమికుడు రహస్యంగా పెళ్లి చేసుకున్నారు. ఇద్దరూ పెళ్లి విషయం ఇంట్లో వాళ్లకు చెప్పలేదు. పెళ్లయిన తర్వాత ఫ్యామిలీ ఫంక్షన్లో తన భర్త.. తన బంధువని, వరుసకు సోదరుడవుతాడని ఆ యువతికి తెలిసింది. దీంతో ఈ ప్రేమికుల జంట తమ వివాహ బంధాన్ని తెగతెంపులు చేసుకోవాలని నిర్ణయించారు. వీరిద్దరూ మహిళా పోలీస్ స్టేషన్కు వెళ్లి తమకు విడాకులు ఇప్పించాల్సిందిగా అభ్యర్థించారు.

జి. మనోహర్