ఫోన్ ట్యాపింగ్: జరిగిందంటూ కేంద్రంపై భగ్గుమన్న ఆప్..

Posted: 09/08/2015 06:06 PM IST

ఆమ్ ఆద్మీ పార్టీ (ఆప్) తరఫున పంజాబ్‌-లో గెలిచిన ఎంపీలు భగవంత్‌-మన్, ధరంవీర్ గాంధీ టెలిఫోన్ సంభాషణలు లీక్ అయ్యాయి. దీంతో కేంద్ర ప్రభుత్వంపై ఆమ్ ఆద్మీ పార్టీ విమర్శలతో విరుచుకుపడింది. తమ ఎంపీల ఫోన్లను బీజేపీ ప్రభుత్వం ట్యాపింగ్ చేస్తోందని నిప్పులు చెరిగింది. ఇందుకు భగవంత్‌-మన్, ధరంవీర్ సంభాషణల టేప్ బహిర్గతం కావడమే ఉదాహరణ అని విరుచుకుపడింది. ఫోన్ల ట్యాపింగ్ అంశంపై కేంద్రానికి వ్యతిరేకంగా లోక్‌-సభ స్పీకర్‌-కు లేఖ రాయాలని ఆప్ తమ ఎంపీలను కోరింది. టేపుల్లోని భగవంత్‌-మన్ సంభాషణకు అంత ప్రాధాన్యం లేదని ఆప్ పేర్కొంది. ఆప్ అధికార ప్రతినిధి దీపక్ బాజ్‌-పేయి మాట్లాడుతూ ఇతర పార్టీల ఎంపీలను తమ వైపునకు తిప్పుకునేందుకు బీజేపీ ప్రభుత్వం వేస్తున్న ఎత్తుగడలివి అని విమర్శించారు. ఈ అంశంపై తప్పకుండా విచారణ జరగాల్సిందే అన్నారు.

కాగా, భగవంత్-మన్- ధరంవీర్ గాంధీ సంభాషణల టేప్ సామాజిక మీడియాలో హల్‌-చల్ చేస్తోంది. ఇందులో ధరంవీర్‌-తో భగవంత్‌-మన్ మాట్లాడుతూ.. ఆప్ నాయకత్వంపై అసంతృప్తి వ్యక్తం చేశారు. చీపురు గుర్తు వల్ల తాను గెలవలేదని, ప్రజల్లో తనకు ఉన్న గుర్తింపు వల్లనే గెలిచానని భగవంత్‌-మన్ అన్నారు. ఢిల్లీలో లాగా పంజాబ్ ప్రజలు గుర్తును చూసి ఓటేయలేదని, అభ్యర్థులను చూసి ఓట్లేశారని గాంధీతో వ్యాఖ్యానిస్తూ పార్టీపై తన అసంతృప్తిని మన్ వ్యక్తం చేశారు. వీరిద్దరి ఈ సంభాషణ ఫిబ్రవరిలో ఢిల్లీ ముఖ్యమంత్రిగా కేజ్రీవాల్ ప్రమాణ స్వీకారం చేయడానికి ముందు రోజుదిగా తెలుస్తోంది.

ఈ టేప్‌-పై ధరంవీర్ స్పందిస్తూ 'మన్ వాదన సరైనదే. తను హృదయంలోని బాధను తెలియజేశాడు' అని చెప్పారు. టేప్ బహిర్గతం కావడంలో తన పాత్రపై వచ్చిన ఆరోపణలను ఆయన ఖండించారు. తన ఫోన్‌-కు సంభాషణలను రికార్డ్ చేసే సౌలభ్యం లేదని తెలిపారు. కాగా, నెల రోజుల క్రితమే పార్టీ వ్యతిరేక కార్యకలాపాలకు పాల్పడుతున్నారనే అభియోగంతో ధరంవీర్‌-ను ఆప్ నుంచి సస్పెండ్ చేశారు. మరోవైపు భగవంత్‌-మన్ స్పందిస్తూ కేజ్రీవాల్ నాయకత్వం మీద తనకు పూర్తి నమ్మకం ఉందని, పార్టీకి విధేయుడ్ని అని తెలిపారు.

జి. మనోహర్