ఏపీ క్యాబినెట్ లో ‘రాజధాని’పై కీలక నిర్ణయాలు..

Posted: 07/22/2015 06:29 PM IST

Ap cabinet meeting important decisions on capital city pushkaralu

ఆంధ్రప్రదేశ్ రాష్ట్ర స్థితిగతులు, రాజధాని నిర్మాణం, ఇతర అంశాలపై చర్చించేందుకు చంద్రబాబు సర్కార్ రాజమండ్రిలో మంత్రివర్గ సమావేశాన్ని నిర్వహించింది. సుదీర్ఘంగా జరిగిన ఈ సమావేశంలో ‘రాజధాని’ అంశంపై తీవ్ర చర్చలు కొనసాగినట్లు తెలుస్తోంది. జాతీయ స్థాయిలో ఏపీ రాజధానిని రూపొందిస్తున్న ఏపీ సర్కార్.. ఇక నుంచి దానిమీద ఎక్కువ దృష్టి సారించినట్లుగా ఈ క్యాబినెట్ మీటింగ్ తో స్పష్టమవుతోంది. ఇక రాజధానితోపాటు పుష్కరాలు, ఎయిర్ పోర్టు నిర్మాణం, ఇంకా ఇతర వ్యవహారలపై ముఖ్యమైన నిర్ణయాలు చంద్రబాబు ప్రభుత్వం తీసుకుంది. వాటి వివరాలు క్రింది విధంగా వున్నాయి...

* ప్రధాని మోదీ సూచించిన విధంగా కజకిస్థాన్, తుర్కమెనిస్థాన్, ఆస్కాన్, అస్నాబాద్ తదితర రాజధానులను పరిశీలించాలని నిర్ణయం.
* రాజధాని నిర్మాణ కాంట్రాక్టుల కోసం ‘స్విస్ చాలెంజ్’లో పాల్గొనాలని చైనా, జపాన్, సింగపూర్, మలేషియా దేశాలకు లేఖలు.
* విశాఖపట్నం ఐటీ ప్రత్యేక ఆర్థిక మండలి (సెజ్)లో ఈ-సెంట్రిక్ సొల్యూషన్స్ కు 300 ఎకరాల భూమి కేటాయింపు.
* కర్నూలులో డీ.ఆర్.డీ.వో.కు 2 వేల ఎకరాల భూమి ఇచ్చేందుకు అంగీకారం.
* విజయనగరం జిల్లాలో భోగాపురం విమానాశ్రయం భూసేకరణపై మరింత చర్చ.
* వీలైనంత త్వరగా ప్రభుత్వ శాఖలన్నీ విజయవాడకు తరలింపు.
* రెవెన్యూ విధానాన్ని మార్చేందుకు కేబినెట్ సబ్ కమిటీ.
* పుష్కరాల ముగింపు రోజున ‘పుష్కర జ్యోతి’.
* పుష్కరాల్లో బాగా పనిచేసిన వారికి ప్రశంసా పత్రాలు.