నేటి నుండి పది ప్రశ్నాపత్రాల వ్యాల్యువేషన్

Posted: 04/11/2015 08:08 AM IST

తెలంగాణలో పదో తరగతి పరీక్షాపత్రాల స్పాట్ వ్యాల్యుయేషన్ నేటినుంచి ప్రారంభం అవుతోంది. దీని కోసం తెలంగాణ విద్యాశాఖ అన్ని ఏర్పాట్లు చేసింది. మొత్తం పదకొండు కేంద్రాల్లో సుమారు 15 వేల మంది ఉపాధ్యాయులు ఈ వ్యాల్యుయేషన్ లో పాల్గొంటారు. వచ్చే మే మొదటి వారం నాటికి వ్యాల్యుయేషన్ పూర్తి చేసి రెండోవారంలో ఫలితాలను వెల్లడించాలని భావిస్తున్నారు. ఒకటి నుంచి 9వ తరగతి విద్యార్థుల వార్షిక పరీక్షలు శనివారంతో ముగుస్తున్నాయి. వీరికి సంబంధించిన వ్యాల్యుయేషన్ ఇప్పటికే పూర్తి అయినందున ఈ నెల 15లోగా అన్ని జవాబు పత్రాలను విద్యార్థులకు చూపించాలని పాఠశాల విద్యాశాఖ డైరెక్టర్ చిరంజీవులు పాఠశాలలకు ఆదేశాలు జారీ చేశారు. ఈ క్రమంలో భాగంగా 23న అన్ని పాఠశాలల్లో తల్లిదండ్రులతో సమావేశాలు ఏర్పాటు చేసి ఫలితాలు విడుదల చేయనున్నారు. ఇదిలావుండగా టెన్త్ వ్యాల్యుయేషన్ కు చెల్లిస్తున్న మొత్తాన్ని పెంచాలని టీటీఎఫ్ డిమాండ్ చేసింది. అసిస్టెంట్ ఎగ్జామినర్‌కి ఇస్తున్న మొత్తాన్ని  6 నుంచి 15 కు, స్పెషల్ అసిస్టెంట్‌కు ఇస్తున్న మొత్తాన్ని 125 నుంచి 250కు, చీఫ్ ఎగ్జామినర్‌కు చెల్లిస్తున్న మొత్తాన్ని 240 నుంచి 350కు పెంచాలని టీటీఎఫ్ డిమాండ్ చేసింది.

- అభినవచారి